Wp/fit/Ameriikan lestaatiolaiset

< Wp‎ | fit
Wp > fit > Ameriikan lestaatiolaiset

Lestaatiolaisuus Ameriikassa edit

 
Ensi lestaatilainen saarnamies, Ameriikassa 1869

Ei tilastoista tiä kukka Ameriikan emikrantista olit tornionlaaksolaisia, kveeniä eli saamelaisia Ameriikassa ja mihinkä net suomenkieliset kolmesta maasta menit Ameriikasssa. Saamelaisisitten emikrasuunista on jonkin verran enemän informasjuunia. Heitä saattaa silti jäljittää heitten asuinalueishiin uuessa maassa kattomalla missä Lestaatiolaisuus oli/on vahva ja missä perustethiin lestaatiolaisia seurakuntia. Kaikissa kolmessa-neljässä eetnisissä ryhmissä oli paljonLestaatiolaisuus joskus 1860-luvulta lähtien. Ensimäinen Lestaatiolainen seura Ameriikassa perustethiin Cokato, Minnesotassa, 1872. [1].

 
French Lakein hautausmaa, Lestaatialaisitten kirkko

Aikakautta 1864-1895 kuttuthan Suuri Lestaastiolaisitten Mikrasuuni, joka alkoi jälkhiin Lars leevi Laestadiuksen kuoleman (1861). Köyhyys ja halu ellää omassa uskossa omassa seurakunnassa alotti suuren leestaatiolaisitten muuttoaalon. Suomalais Ameriikan Lestaatiolais seurakuntia perustethiin Michikaanissa, länsi Minnesotassa, South Dakota, Oregon, ja Washingtonissa Suomen Ameriikkalaiset [2].

 
Lestaaatialaisia Ameriikassa

Hancockhiin ja Kalumeethiin tuli paljon tornionlaaksolaisia, pohjoisnorjalaisia ja pohjoisusuomalaisia. Koska net tulit lestaatiolaisuuen yinalueelta niin rohki moni niistä oli lestaatialaisia jo ko kotimaa jätethiin. Moni oli saamelainen ja suomenkielinen norjalainen. Hancokhiin tuli ensimäinen lestaatiolainen saarnamies 1869, Antti Vittikko Huhta (1816-1890), joka oli Ruottin Alatorniolta kotosin ja jota kuttuthiin Prännärin Antti [3]. Alusta lähtien kasusi konfliktia lestaatiolaisitten ja muitten kristinuskolaisitten kesken. Ei tykätty esimerkiks ette lestaatiolaisila oli sellaisia kämppäkokkouksia ja liikutuksia [4] Lestaatiuksen seuralaiset eristethiin ylheisestä Skandinaavisesta Luterilaisesta kirkosta. Sen takia Solomon Korteniemi, Tornionlaakson Alkkulasta 1873 perusti uskovaisitten kans Ameriikan toisen lestaatiolaisseuran nimeltä Solomon Korteniemien Luteerilainen seura, jonka nimi muutethiin 1879 myöhemin Suomen Evanjeelilainen Luteerilainen Kirkko, Kalumeetissa (Finnish Apostolic Lutheran Church) Mem. from Calumet [5]. Lestaatilaiset itte kuttuvat heitä "apostolisluteerilaisiksi". [6] Varsin rakenethiin lestaatiolaisitten ensimäinen kirkko 1873, missä maalikkosaarnaaja Korteniemi piti jumalanpalveluksia. Uskonon takia heitä vainothiin ja Korteniemi joutui vankilhaan "epäviralisen" vihkimisen takia [7]. Se Luteerilainen seura oli jo alusta lähtien nelikielinen (suomi, morja, ruotti ja saami) mutta suomi oli silti vahviin kieli. Tulkkauksia suohmeen tehtiin jo alusta asti. Pasturit ja saarnamiehet olit enimäksheen norjalaisia, ja suomalaista pappia ei alussa ollu. 1890-luvula Kalumeetin seura oli Pohjoisameriikan suuriin lestaatiolainen seura, ja sen pappi oli A.L Heideman Oulusta (1862-1928), joka oli kuuluisia kova saarnamies .[8]

Referensit edit

Lähteet edit