Wp/bew/Indonésia

< Wp‎ | bew
(Redirected from Wp/bew/Indonesia)
Wp > bew > Indonésia
Kiblik Indonésia
Republik Indonesia (Indonésia)
Hopstad Jakarta
Nama penghuni Indonésia


Indonésia (hurup Arab Gundul: اندونيسيا) atawe nama resminya Kiblik[1] Indonésia (hurup Arab Gundul: کبليک اندونيسيا; Indonésia: Republik Indonesia) nya'entu atu negara nyang letaknya di Asia Kidul-wètan. Ni negara dilèwatin garis katulistiwa èn juga keletak di antara benua Asia èn benua Ostrali, sama antara Laotan Teduh èn juga' Laotan Hindi. Dengen 17.508 pulo nyang ngampar dari Sabang sampé Merauké, Indonésia jadi negara kepuloan paling gedé di dunia. Ni negara watesan darat ama Malésia, Papua Nugini, èn Timor Wètan. Adapun negara tetangganya antara laèn Singapur, Bruné, Palo, Ostrali, ama Kepuloan Andaman èn Nikobar di Negeri Hindi.

Ni negara punya jumblah penduduk banyaknya – 237.556.363 mengrikut Sensus Penduduk tahon 2010; èn kepadetannya – 124 orang/km2. Bahnanya, ni negara punya penduduk paling banyak ke-4 seantèro dunia. Baè' hopstad[2] atawa kota paling gedénya – Jakarta. Sekarang, Indonésia dibelèk-belèk jadi 37 propinsi. Basa persatuan èn pemerèntahannya – basa Indonésia. Adapun suku nyang paling banyak ada di mari ya'entu ètnis Jawa.

Indonésia entu atu negara pendiri ASEAN èn juga' anggota di macem-macem paguyuban antèrobangsaan, misalnya: G-20, PBB, OKI, ènsb. Meski penduduknya kebanyakan agamanya Selam, resminya, ni negara bukan negara Islam. Sekarang, persidennya – Joko Widodo ama dia punya wakil – Ma'ruf Amin. Ni negara punya semboyan – Bhinneka Tunggal Ika "Bèda tapi satu". Adapun dia punya dasar negara – Pancasila.

Ruju'an Edit

  1. Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arap gundul: کبليک) – republik (Indo.); republic (Ing.)
  2. Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).