Ir. H. Joko Widodo (hurup Arab Gundul: ار. ح.جاك ويداد) atawa Jokowi (جاكوى), lair tanggal 21 Juni 1961, entu persidèn Indonésia sedari tanggal 20 Oktober 2014 ampé sekarang. Pa' Jokowi gantiin persidèn sebelonnya, ya'entu Susilo Bambang Yudhoyono.[1] Sebelonnya, pa' Jokowi Lakonin tugas sebagé Gubernur Jakarta sederi tanggal 12 Oktober 2012 ampé tanggal 16 Oktober 2014. Pa' Jokowi lanjutin gawé sebagé gubernur, gantiin gubernur sebelonnya, ya'entu Fauzi Bowo. Pas lagi gawé jadi gubernur, pa' Jokowi ditemenin ama wakilnya nyang namanya Basuki Tjahaja Purnama mantan Bupati Belitung Wètan. Pa' Jokowi kepili pas pemilihan gubernur taon 2012 èn didukung ame Parté Démokrasi Indonésia Perjuangan èn Parté Gerakan Indonésia Raya. Sebelon jadi gubernur Jakarta, dia ngelakonin jawatan sebagé walikota Surakarta sederi tanggal 28 Juli 2005 ampé tanggal 1 Oktober 2012. Pa' Jokowi berasil ngegiles pasangan Fauzi Bowo èn Nachrowi Ramli nyang nyang dilangsirin ama Parté Démokrat.
Ruju'an
- ↑ "Jokowi dilantik hari ini sebagai presiden Indonesia". BBC. 20 Oktober 2014. Diakses tanggal 30 Maret 2017.
Sènggètan luar