Wp/bew/Pancasila

Pancasila 'ntu ideologi dasar bagi Negare Indonesia. Namanye ini dari due kata bahasa Sanskerta: pañca artinye lima ama śīla artinye prinsip ato asas. Pancasila 'ntu rumusan ama pedoman kehidupan berbangsa dan bernegara bagi seluruh rakyat Indonesia.

Perisai Pancasila nampilin lima lambang Pancasila

Lima sendi utama penyusun Pancasila 'ntu Ketuhanan Yang Maha Esa, kemanusiaan yang adil dan beradab, persatuan Indonesia, kerakyatan yang dipimpin oleh hikmat kebijaksanaan dalam permusyawaratan/perwakilan, dan keadilan sosial bagi seluruh rakyat Indonesia, terus tercantum pade paragraf ke-4 Preambule (Pembukaan) Undang-undang Dasar 1945.

Bagen terjadi perubahan kandungan dan urutan lima sila Pancasila nyang berlangsung dalam beberapa tahap selama masa perumusan Pancasila pade taon 1945, tanggal 1 Juni diperingatin sebagai hari lahirnye Pancasila.

Sejarah Perumusan

Dalam upaye Rumusin Pancasila sebagai dasar negare nyang resmi, terdapet usulan-usulan pribadi nyang dikemukakan dalam Badan Penyelidik Usaha Persiapan Kemerdekaan Indonesia yaitu :

• Lime Dasar oleh Muhammad Yamin, nyang pidato pada tanggal 29 Mei 1945. Yamin ngerumus lime dasar sebagai berikut: Peri Kebangsaan, Peri Kemanusiaan, Peri Ketuhanan, Peri Kerakyatan, dan Kesejahteraan Rakyat. Die nyata'in bahwa kelime sila nyang dirumusin 'ntu berakar pade sejarah, peradaban, agame, ama idup ketatanegaraan nyang udah lama ngembang di Indonesia. Mohammad Hatta dalam memoarnye ragu'in pidato Yamin tersebut.
• Panca Sila oleh Soekarno yang dikasi'tau pade tanggal 1 Juni 1945 dalam pidato spontannye nyang kemudian dikenal dengan judul "Lahirnya Pancasila". Sukarno ngemuka'in dasar-dasar kaya gini: Kebangsaan; Internasionalisme; Mufakat, dasar perwakilan, dasar permusyawaratan; Kesejahteraan; Ketuhanan. Name Pancasila itu diucapkan oleh Soekarno dalam pidatonye pade tanggal 1 Juni itu, katanye:

Sekarang banyaknye prinsip: kebangsaan, internasionalisme, mufakat, kesejahteraan, ama ketuhanan, lime bilangannye. Namanye bukan Panca Dharma, tapi aye nama'in ini dengan petunjuk seorang teman kite ahli bahase - namanye ialah Pancasile. Sila artinye azas atau dasar, ama diatas kelime dasar itulah kite ngediri'in negare Indonesia, kekal dan abadi.

Abis Rumusan Pancasila diterime jadi dasar negare secare resmi beberape dokumen penetapannye ya'ntu :

• Rumusan Pertame : Piagam Jakarte (Jakarta Charter) - tanggal 22 Juni 1945
• Rumusan Kedue : Pembukaan Undang-undang Dasar - tanggal 18 Agustus 1945
• Rumusan Ketige : Mukaddimah Konstitusi Republik Indonesia Serikat - tanggal 27 Desember 1949
• Rumusan Keempat : Mukaddimah Undang-undang Dasar Sementare - tanggal 15 Agustus 1950
• Rumusan Kelime : Rumusan Kedue nyang dijiwai oleh Rumusan Pertame

Liat juga

• Indonesia