Ostrali atawa name resminye Persemakmuran Australia (English: Commonwealth of Australia) entu negare nyang nempatin seluruh wilayah Benua Australia, termasuk Pulau Tasmania, dan bejibun pulau kecil lainnye. Mangkanye ini negare disebut juge Negara Benua (Continental Country). Negeri jirannye termasuk Indonesia, Timor Leste, ame Papua Nugini di utara, Kepulauan Solomon, Vanuatu, ame Kaledonia Baru di timur laut, dan Selandia Baru di tenggaranye. Ibukotenye yaitu Canberra dan kote tergedenya entu Sydney.
Negare ini adalah negare terluas keenam di dunia, dengan luas 7,692,024 km2. Jumlah penduduknye menurut perkiraan taun 2013 sebanyak 22,962,192 dengan kepadatannye sebesar 2.8 orang/km2. Negare ini termasuk negare nyang maju banget, dengan perekonomian tergede ke-12 di dunia (AS$1,542 triliun) ame pendapatan per kapitanye tergede ke-5 di dunia (AS$65,642).