Wikimedia Incubator

Wn/shn/ၵၢဝ်းလီၸၢၼ်းၶတ်းၶႂၢင် လွင်ႈ ရတ်ႈသျႃး လႄႈ ၵၢဝ်းလီႁွင်ႇ ႁူမ်ႈၵၢၼ်သိုၵ်း

< Wn‎ | shn
Wn > shn > ၵၢဝ်းလီၸၢၼ်းၶတ်းၶႂၢင် လွင်ႈ ရတ်ႈသျႃး လႄႈ ၵၢဝ်းလီႁွင်ႇ ႁူမ်ႈၵၢၼ်သိုၵ်း

ဝၼ်းသုၵ်း၊ ၸုၼ်ႇ 21၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
ဢွင်ႈတီႈ မိူင်းၵၢဝ်းလီႁွင်ႇ
ႁူမ်ႈသၢင်ႈ!
Wn/shn/ၵၢဝ်းလီႁွင်ႇ
Wn/shn/ၵၢဝ်းလီႁွင်ႇ
ဝလႃႇၻီႇမီႇရ် ပူႇထိၼ်ႇ လႄႈ ၵိမ်ၸူင်ဢုၼ်ႇ တီႈပၢင်ၵႅဝ်ႈႁပ်ႉတွၼ်ႈ

ၵၢဝ်းလီၸၢၼ်း လႆႈၶၢၼ်းႁွင်ႉ ၽွင်းတၢင်တူဝ်ရတ်ႈသျႃးမႃး ဝႃႈပဵၼ် လွင်ႈၶတ်းၶႂၢင်ၼိူဝ် ဢၼ် ရတ်ႈသျႃး လႄႈ ၵၢဝ်းလီႁွင်ႇၶဝ် လႆႈႁဵတ်းလိၵ်ႈႁူမ်ႈမၢႆ တႃႇၶဵင်ႇၸွႆႈၵၼ် ၵဵဝ်ႇလူၺ်ႈ ၵၢၼ်သိုၵ်း ဢၼ်ဝႃႈၼၼ်ႉယဝ်ႉ။ ၵႅမ်ၽွင်းလူင် ၵၢၼ်ၼွၵ်ႈမိူင်း ၵၢဝ်းလီၸၢၼ်း Kim Hong Kyun လႆႈၶၢၼ်းႁွင်ႉ ၽွင်းတၢင်မိူင်းရတ်ႈသျႃး ဢၼ်ၵဵဝ်ႇၵပ်း ၵၢဝ်းလီႁွင်ႇ Georgy Zinoviev သေ လႆႈတုၵ်းယွၼ်း တႃၵိုတ်းၵမ်းလဵဝ် ဢၼ်ပဵၼ် လွင်ႈႁဵတ်းသၢင်ႈ ဢၼ်ႁူမ်ႈႁွမ်းၵၢၼ်သိုၵ်းတင်း ၵၢဝ်းလီႁွင်ႇၼၼ်ႉ ဝႃႈၼႆႉယဝ်ႉ။

ၵႅမ်ၽွင်းလူင် ၵၢၼ်ၼွၵ်ႈမိူင်း မွၵ်ႇလၢတ်ႈ ၽွင်းတၢင်မိူင်းရတ်ႈသျႃးဝႃႈ လွင်ႈႁူမ်ႈႁွမ်းႁဵတ်းသၢင်ႈ ဢၼ်မဵဝ်းႁႂ်ႈပဵၼ် လွင်ႈၵမ်ႉႁႅင်း ၼမ်ႉၵတ်ႉၵၢၼ်သိုၵ်း ၵၢဝ်းလီၸၢၼ်းၼႆႉ မၼ်းပဵၼ် လွင်ႈပူၼ်ႉပႅၼ် ၶေႃႈတႅပ်းတတ်း ၶွင်ႇသီႇႁူမ်ႇလူမ်ႈ ၸုမ်းၸၢတ်ႈၸိုင်ႈလုမ်ႈၾႃႉသေ မၼ်းပဵၼ် လွင်ႈလွၵ်ႇငိူတ်ႈ လွင်ႈႁူမ်ႇလူမ်ႈ ၵၢဝ်းလီႁွင်ႇလႄႈ တေမီးလွင်ႈတိူဝ်ႉၶိူၵ်ႈၼိူဝ် လွင်ႈသိုၵ်ႈသမ်ႇ ၵၢဝ်းလီၸၢၼ်း လႄႈ ရတ်ႈသျႃး ဝႃႈၼႆယဝ်ႉ။

ႁွင်ႈၵၢၼ်ၼွၵ်ႈမိူင်းရတ်ႈသျႃး ပိုၼ်ၽၢဝ်ႇဝႃႈ ၵဵဝ်ႇၵပ်းလူၺ်ႈ လွင်ႈမႆႈၸႂ် ၵၢဝ်းလီၸၢၼ်းသေ တေတၢင်ႇလၢတ်ႈၼႄ ၽူႈမီးၸၼ်ႉၽၢႆႇၼိူဝ်ၶဝ်ၵႂႃႇ ဝႃႈၼႆယဝ်ႉ။ ၼႂ်းၶၢဝ်းတၢင်း ဝလႃႇၻီႇမီႇရ် ပူႇထိၼ်ႇ ဢၼ်ပဵၼ် ၽူႈဢွၼ်ႁူဝ်ရတ်ႈသျႃး ႁွင်ႈထိုင် ၵၢဝ်းလီႁွင်ႇ ၼႂ်းၶၢဝ်းတၢင်း သၢဝ်သီပီ ပဵၼ်ပွၵ်ႈဢွၼ်တၢင်းသုတ်းၼၼ်ႉ တွၼ်ႈတႃႇ တိူဝ်းႁူမ်ႈႁွမ်းႁဵတ်းသၢင်ႈ ၵဵဝ်ႇၵပ်းလူၺ်ႈ လွင်ႈႁူမ်ႇလူမ်ႈသေ ၸဝ်ႈၸွမ်ၸိုင်ႈ ပူႇထိၼ်ႇ လႄႈ ၽူႈဢွၼ်ႁူဝ် ၵၢဝ်းလီႁွင်ႇ ၵိမ်ၸူင်ဢုၼ်ႇ ၶဝ် လႆႈႁဵတ်းလိၵ်ႈႁူမ်ႈမၢႆမႃးယဝ်ႉ။


ငိူၼ်ႈငဝ်ႈတိုၼ်း

edit
Retrieved from "https://incubator.wikimedia.org/w/index.php?title=Wn/shn/ၵၢဝ်းလီၸၢၼ်းၶတ်းၶႂၢင်_လွင်ႈ_ရတ်ႈသျႃး_လႄႈ_ၵၢဝ်းလီႁွင်ႇ_ႁူမ်ႈၵၢၼ်သိုၵ်း&oldid=6309240"