Wn/az/Kot-d’İvuarın keçmiş prezidenti Loran Qbaqbonun Abicandakı iqamətgahı ələ keçirilib

< Wn‎ | azWn > az > Kot-d’İvuarın keçmiş prezidenti Loran Qbaqbonun Abicandakı iqamətgahı ələ keçirilib

5 aprel 2011, Çərşənbə axşamı

Laurent Gbagbo (2008).jpg

Kot-d’İvuarın yeni prezidenti Alassan Uattaranın tərəfdarları Kot-d’İvuarın iqtisadi paytaxtı olan Abicanda keçmiş prezident Loran Qbaqbonun iqamətgahını ələ keçiriblər. Bu barədə Uattaranın rəsmi nümayəndəsi Patrik Açi məlumat verib.

Hazırda Abicanda ölkənin yeni seçilmiş prezidenti Uattara və öz postundan getmək istəməyən keçmiş prezident Qbaqbonun tərəfdarları arasında döyüşlər gedir. Bir neçə saat öncə isə Kot-d’İvuardakı BMT missiyasının helikopterləri Loran Qbaqbonun Abicandakı saray və iqamətgahına, həmçinin onun qoşunlarının Aqban və Akuedodakı bazalarına zərbələr endiriblər.

Kot-d'İvuar prezidenti Loran Qbaqbo uzun sürən silahlı qarşıdurmadan sonra məğlub olduğunu etiraf etmək qərarına gəlib.

Milli.Az xəbər portalının «France-Presse» agentliyinə istinadən verdiyi məlumata görə, Kot-d'İvuar Silahlı Qüvvələrinin komandanı müxalifət tərəfdarlarına atəşkəs elan etdiklərini açıqlayıb. «Biz mübarizəni dayandırdıq», - deyə o, bildirib.

Prezident Qbaqbo isə müxalifətçilərlə danışıqlar zamanı ölkəni tərk etməyə hazır olduğunu bildirib.

MənbəEdit