Wikimedia Incubator

Wb/nia/Tesalonika II/3

< Wb | nia | Tesalonika II
Wb > nia > Tesalonika II > 3

Famarou ba wangandrö

edit

I. 1 Ba hadia na mbö'önia, ya'ami ira talifusö, ba mi'angandrö, salahima ena'ö alio terongo misa daroma li Zo'aya andrö, ba ena'ö tefolakhömi, si mane ba khömi,[1] 2 ba ena'ö te'efa'ö ndra'aga ba niha andrö, si lö tödö, ba si lö sökhi; lö'ö sa dozi mamati.[2] 3 Ba lö'ö sa faröi Zo'aya, ba ya'ia zangabe'e ya'ami, ba irorogö ami, itimba khömi zi lö sökhi andrö.[3] 4 Ba madöna-döna khömi, ba khö Zo'aya, mi'o'ö niŵa'öma khömi, he iada'e, ba he dania.[4] 5 Ba ya So'aya zamatörö tödömi ba wa'omasi Lowalangi andrö, ba ba wanaha tödö andrö, khö Keriso.

Fanegu zi lö sökhi bua-bua

edit

II. 6 Ba maŵa'ö khömi, ya'ami ira talifusö, ba döi Zo'aya ya'ita andrö, Yesu Keriso, mifabali ami ba dalifusö si lö sökhi bua-bua, gofu ha niha ia, si lö manörö lala nirongora khöma.[5]

7 Noa sa mi'ila he wisa wolo'ö khöma; lö'ö sa nitöröma si lö göna, ba khömi andrö;[6] 8 ba lö'ö göi nihalöma balazo, si lö nibe'ema böli, noa sa erege dödöma, ba no akao ndra'aga, wohalöŵö, bongi ma'ökhö, fa böi abu dödömi khöma, ha niha ami.[7] 9 Tenga fa lö tola mena'ö, ba ena'ö mabe'e famaedo ndra'aga khömi, ena'ö mi'o'ö khöma.[8] 10 Da'ö sa göi niŵa'öma khömi, me soga khömi; si lö edöna mohalöŵö, ba böi yamanga göi.[9] 11 Noa sa marongo, so ösa ba khömi zi lö sökhi bua-bua, ma'ifu lö mohalöŵö, molau faya-faya.

12 Ba da'ö niŵa'öma ba zi manö, ba mafarou dödöra, ba khö Zo'aya, Yesu Keriso: ena'ö lahonogö ira ba halöŵöra, ba ena'ö la'a gölöra, balazora.[10] 13 Ba ya'ami ira talifusö, ba böi atage ami wolau si sökhi.[11] 14 Ba na so zi lö molo'ö niŵa'öma andrö, ba zura, ba böi olifu ami, böi fahuwu ami khönia, ena'ö aila ia.[12] 15 Ba böi hulö zi fa'udu ami khönia, ba mitegu ia, si mane si fatalifusö.[13]

Fango'ozui zura

edit

III. 16 Ba ya'ia, So'aya fa'ohahau dödö andrö, ba yamube'e khömi wa'ohahau dödö andrö, böi yamamalö-malö, gofu he wisa lala. Yamutolo ami fefu So'aya.[14] 17 Fangowaigu da'e, tangagu zanura, tanga Waulo andre; da'ö dandra ba zuragu fefu, si manö wanuragu.[15] 18 Yafalukha ami fefu wa'ebua dödö khö Zo'aya ya'ita, Yesu Keriso.[16]

Famotokhi ba gahe

edit
  1. ↑ TesI 5:25; Kol 4:3
  2. ↑ Yoh 6:44; HalZin 18:1-17
  3. ↑ TesI 5:24
  4. ↑ Gal 5:10
  5. ↑ Rom 16:17; KorI 5:11
  6. ↑ TesI 2:10
  7. ↑ TesI 2:9
  8. ↑ HalZin 23:35; KorI 9:6; 4:16
  9. ↑ MozI 3:19
  10. ↑ TesI 4:11
  11. ↑ Gal 6:9
  12. ↑ Faigi 3:6; Tit 3:10
  13. ↑ Mat 18:15 b.t.; TesI 5:14
  14. ↑ Rom 15:33
  15. ↑ Faigi 2:2; KorI 16:21
  16. ↑ TesI 5:28

Fabaliŵa lala

edit

Olayama Zura Tesalonika II: 1 • 2 • 3

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Tesalonika_II/3&oldid=6229835"