Wikimedia Incubator

Wb/nia/Tesalonika II/1

< Wb | nia | Tesalonika II
Wb > nia > Tesalonika II > 1

Fangowai

edit

I. 1 Faulo zanura da'e ba Siliwano ba Timoteo, ba mbanua andrö ba Desalonika, ba khö Namada, Lowalangi, ba ba khö Zo'aya, Yesu Keriso.[1] 2 Yafalukha ami wa'ebua dödö, khö Namada Lowalangi ba khö Zo'aya, Yesu Keriso. [2]

Fa'omuso dödö ba wa'abe'e mbanua Desalonika

edit

III. 3 Mo'ömö ndra'aga khö Lowalangi, lö mafamalö-malö wangandrö saoha gölö khönia, börö ami, ya'ami ira talifusö; si manö zi nangea, me manöi sibai wamatimi, ba dozi ami, ba tedou-dou wa'omasimi nawömi.[3] 4 Tobali masuno ndra'aga, ba mbanua Lowalangi misa, ba khömi andrö, börö wa'anau gölömi ba famatimi andrö, ba wolohi andrö fefu, khömi, ba ba wamakao andrö, nitahami.[4] 5 Tandra wanguhuku Lowalangi andrö da'ö, fanguhuku si no atulö, wa tola khömi dania mbanua Lowalangi andrö, da'ö sa göi mbörö, wa mitaha wamakao.[5] 6 Me atulö sa atö ba Lowalangi, tesulöni wamakao ba zamakao ya'ami;[6] 7 ba khömi, nifakao andrö, ba fangokafu dödö, awöma, na to'ele dania Zo'aya, Yesu, moroi ba zorugo, awö mala'ika wa'abölönia andrö,[7] 8 ba hola-hola galitö, na ilau mbalö ba zi lö aboto ba dödö Lowalangi, ba ba zi lö molo'ö turia somuso dödö andrö, khö Zo'aya ya'ita, Yesu. 9 Göna fotu dania ira, fa'atekiko si lö aetu, moroi ba mbawa Zo'aya, ba moroi ba lakhömi wa'abölönia andrö,[8] 10 na so ia, ba wamolakhömi ya'ia, ba niha ni'amoni'ö andrö khönia, ba ba wame'e sahöli-höli dödö ya'ia, ba zamati andrö, fefu — me no faduhu dödömi, ba wamaduhu'öma andrö — na luo da'ö.[9]

Fangandrö salahi

edit

III. 11 Andrö göi lö mafamalö-malö wangandrö, salahimi, ena'ö ibe'e Lowalangida, si nangea nikaoni ami; ba ena'ö iforege wamo'ahonoa fa'omasimi zi sökhi, awö halöŵö wamati andrö,[10] 12 ena'ö tefolakhömi döi Zo'aya ya'ita andrö, Yesu, ba khömi, ba ena'ö tefolakhömi ami, ba khönia, dali wa'ebua dödö Lowalangida andrö ba fa'ebua dödö Zo'aya, Yesu Keriso.

Famotokhi ba gahe

edit
  1. ↑ TesI 1:1
  2. ↑ KorI 1:3
  3. ↑ TesI 1:2,3; 3:6
  4. ↑ TesI 2:14,19
  5. ↑ Fil 1:28; FetI 4:17
  6. ↑ Rom 12:19
  7. ↑ FetI 4: 13; TesI 4:16
  8. ↑ Mat 25: 41,46
  9. ↑ HalZin 1:11; Kol 3:4
  10. ↑ TesI 2:3; 2:12

Fabaliŵa lala

edit

Olayama Zura Tesalonika II: 1 • 2 • 3

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Tesalonika_II/1&oldid=6229833"