Wikimedia Incubator

Wb/nia/Tesalonika II/2

< Wb | nia | Tesalonika II
Wb > nia > Tesalonika II > 2

Fangawuli Keriso ba samaelungu sebua andrö

edit

I. 1 Ba ma'andrö khömi, ya'ami ira talifusö, ba wa'aso Zo'aya ya'ita, Yesu Keriso andrö, ba ba wangowulo ya'ita khönia,[1] 2 fa böi alio mangiwa dödömi, ba böi alio tokea, he ba geheha, ba he ba daroma li, ba he ba zura, hulö na ya'aga zama'ohe'ö, hulö na no irugi luo Zo'aya andrö.[2]

3 Böi ifaelungu ami niha, gofu he wisa; lö'ö sa tola lö itörö ua fa'aheta andrö, ba lö tola lö oroma ua niha golalöŵa andrö, ono wa'atekiko andrö[3] 4 si fa'udu andrö, sangebua'ö ya'ia, moroi ba zotöi Lowalangi ba moroi ba zotöi ni'amoni'ö fefu, tobali dumadao ia ba gosali Lowalangi andrö, ba ibali'ö Lowalangi ia.[4]

5 Hadia, lö itörö tödömi, wa no uŵa'ö khömi da'ö, me sodo khömi na? 6 Ba iada'e, ba no mi'ila hadia zanaha na inötö wa'oromania andrö. 7 Noa sa abölö zi tobini andrö, olalöŵa andrö, hatö sanaha andrö, irege da'e, niheta.[5]

8 Ba awena dania oroma zo'olalöŵa andrö, nifakiko Zo'aya, Yesu, dania, Eheha mbawania andrö, nifufunia dania lakhömi wa'asonia andrö.[6] 9 Fa'abölö Zatana wama'aso ya'ia, oi so wa'abölö ba tandra ba ila-ila faya,[7] 10 ba oi so wamaelungu horö andrö, ba zi tetibo andrö, sulö wa lö nifonahara fa'omasi zi duhu andrö, fangorifira mena'ö.[8]

11 Ba andrö ifa'ohe'ö khöra Lowalangi zabölö wamaelungu, ena'ö faduhu dödöra ba waya andrö.[9] 12 ena'ö tehuku fefu zi lö faduhu tödö ba zi duhu andrö, si no omasi si lö atulö.[10]

Famarou ba wa lö mangiwa dödö

edit

II. 13 Ba ya'aga, ba mo'ömö khö Lowalangi, böi mamalö-malö wangandröma saoha gölö khönia, börö ami, ya'ami ira talifusö, ni'omasi'ö, me no itutuyu ami Lowalangi, i'otarai mböröta, ba wangorifi andrö, ba wangohau-hau Geheha andrö, ba ba wamati ba zi duhu,[11] 14 ba nikaoninia ya'ami, turia somuso dödö andrö khöma ba wangalui lakhömi andrö, khö Zo'aya ya'ita, Yesu Keriso.[12]

15 Ba mi'abe'e'ö ami, ya'ami ira talifusö, ba böi miböhöli gamakhoita andrö, ni'ombakha'ö khömi, he ba daroma li, ba he ba zura andrö khöma.

16 Ba ya'ia, So'aya ya'ita, Yesu Keriso ba Lowalangi, Amada, si no mangomasi'ö ya'ita, ba si no mame'e fondrara dödö khöda, si lö aetu, awö wanötöna, si sökhi, ba wa'ebua dödö,[13] 17 ba yamurara dödömi ba yamu'a'aro'ö ba ngawalö mbua-bua fefu, ba ba ngawalö daroma li, si sökhi.[14]

Famotokhi ba gahe

edit
  1. ↑ TesI 4:15-17
  2. ↑ TesI 5:2; Mat 24:4 b.t.
  3. ↑ Mat 24:10-12; TimI 4:1 b.t.; FetII 3:3 b.t.; Dan 7:25; YohI 2:18
  4. ↑ Dan 11:36; Yes 14:13-14; Rom 13:5 b.t.
  5. ↑ YohI 4:3
  6. ↑ Yes 11:4; Dan 7:11
  7. ↑ Yoh 8:44; Mat 24:24; Fam 13:13 b.t.
  8. ↑ KorII 4:3,4
  9. ↑ Faigi 2:3,9; Mat 24:5,11; RazI 22:22
  10. ↑ Yoh 3:18
  11. ↑ Efes 1:4
  12. ↑ TesI 5:9
  13. ↑ FetI 5:10
  14. ↑ TesI 3:13

Fabaliŵa lala

edit

Olayama Zura Tesalonika II: 1 • 2 • 3

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Tesalonika_II/2&oldid=6229834"