Wb/nia/Sinunö Sebua/8

I. Fahuhuo ira zoniha nihania: Tebai fabali ira

1 Ena'ö na hulö dalifusö ndra'ugö khögu, talifusö si no so ba mbagi zusu ninagu mege! Na falukhado khöu baero mbanua, ba fa'ago bawa ndra'o khöu, ba lö'ö sa lategu ndra'odo.
2 Ba ufasao'ö, u'ohe'ö ba nomo ninagu, ba öfahaödo ena'ö. Ba ube'e öu nagu nifaruka samohua, awö nidanö mbua dalimo khögu.
3 Yamutaya högögu tangania kabera ba yamu'omösido kambölönia.
4 Ube'e ba hölu ami, ya'ami ono alawe, banua Yeruzalema: böi mikeani wa'omasi andrö, böi misusugi, mibe'e balazi ia.
5 Ha niha da'ö, si otarai moroi si tou andrö mbenua, sanundreheni ya'ia ba da'io zomasi ia? Ba mbörö ma'ufa mege ususugi ndra'ugö; ba da'ö mege i'adonogö ndra'ugö inau, safökhö khönia, ba da'ö i'adonogö'ö si asogö ya'ugö.
6 Fatöfa ndra'o ba gamaudu dödöu, amaedola laeduru, si so tandro, ba ba da'iomö. Me no timba wa'abölö wa'amate wa'abölö wa'omasi andrö, ba fehulu dödö andrö, ba no aro, timba wa'aro mbanua tou; fehölania, ba no fehola galitö, hola-hola khö Yehowa!
7 He idanö sebua, ba tebai ibe'e mate wa'omasi andrö, ba tebai inönöi ia hohou. Ba he na so ena'ö zame'e böli wa'omasi andrö ana'ania fefu, ba la'igi'igi'ö manö ia ena'ö.
8 So khöda nakhi, ono alawe, si lö fosu na. He tawisa khö nakhida andrö, na so zanofu ya'ia dania?
9 Na no öli kara ia, ba tafa'anö ba detenia mba'a-ba'a firö; ba na bawandruhö ia, ba taba'a ia fafa eresi.
10 Öli kara ndra'odo, ba no timba malige wosugu; ba no tobali si no falukha fa'ohahau dödö ndra'odo, wamaiginia ya'o.

II. Kabu nagu khö Zelomo

11 So kabu nagu khö Zelomo, ba Mba'ali Hamono; ba no ibe'e ba danga zanaro kabu nagu andrö: 1.000 rufia zamösa labe'e böli mbua nagu ihuku khöra.
12 Ba ba kabu nagu khögu andrö, ba no balazi ndra'o. Si hönö andrö, ba khöu, ya'ugö Selomo, ba 200 ba zanaro buania!
13 Lafondrondrongo limö, ya'ugö si so nahia ba kabu: Farongogö ia khögu!
14 Oloi, ya'ugö somasi ndra'o, ya hulö nago ndra'ugö, ya hulö nono mböhö, ba hili rembaremba andrö!

Famotokhi ba gahe

Fabaliŵa lala

Olayama Sinunö Sebua: 1 • 2 • 3 • 4 • 5 • 6 • 7 • 8

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö