Wb/nia/Sinunö Sebua/3
I. Humulu dödö zinandra khö zangai ya'ia
edit1 Ba gasogu ba zi bongi u'alu-alui zomasi dödögu andrö, no u'alu-alui ia, ba lö usöndra.[1]
2 Ba damaoso ndra'o ba utöröi newali ba mbanua; ba kade ba ba newali misa u'alui zomasi dödögu; no u'alui ia, ba lö nisöndragu ya'ia.
3 No fakhamö khögu zanaro andrö, sanörö-nöröi ewali ba mbanua, ba umane: "Somasi dödögu andrö, hadia no fakhamö ami?"[2]
4 Ba ha si'aikö utalu'i ira, ba hiza ia, somasi dödögu andrö. Ba ura'u ia ba lö uböhöli, balazi no u'ohe yomo khö ninagu, ba ba mbate'e zadono ya'odo.
5 Ube'e ba hölu ami, ya'ami ono alawe, banua Yeruzalema, nago ba böhö si alawe ba mbenua ube'e hölu: "Böi mikeani wa'omasi andrö, böi misusugi, mibe'e balazi ia."[3]
II. Farate Zelomo
edit6 Hadia da'ö moroi si tou ba mbenua si mane boto zimbo, si fao hua emuri ba hua gumöyö, ba hadia ia na zamohua khö zolafo?[4]
7 Heahea Zelomo da'ö! Önö ngafulu niha zamasui ya'ia, sabölö Ndraono Gizeraeli.
8 Dozi ira, ba lö aefa-aefa danga ba zi'öli, si no to'ölö ba wasöndrata ira, sara-sara zi'öli ba mböbö löwi-löwira, ba gameta'uö andrö ba zi bongi.
9 No ifalau'ö khönia heahea razo Selomo, eu moroi ba hili Libano.
10 Döladölania, ba firö ibe'e, ba taralinia, ba ana'a, ba dadaomania, ba ungu, ba bakha, ba kaso.
11 Mi'ae tou, ya'ami ono alawe banua Ziona, mifemanga hörömi wamaigi razo Selomo ba takula bunga andrö, nibe'e ninania takulania, ba luo wangowalunia, ba luo wa'omuso dödönia andrö.
Famotokhi ba gahe
editFabaliŵa lala
editOlayama Sinunö Sebua: 1 • 2 • 3 • 4 • 5 • 6 • 7 • 8
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö