Wb/nia/Sinunö Sebua/7

Tohu-tohu wanuno sinandra razo

1 Fuli'ö, fuli'ö, Sulamiti, fuli'ö, fuli'ö, ena'ö ma'ila'ö! Hadia nifaigimi khö Zulamiti? Folaya ba Mahana'i andrö.
2 Ha lö asökhi gaheu andrö, ba mbadagahe, ya'ugö ono zalaŵa! Fa'obu'u zolamö, ba no hulö naya ba mbagi, nilau danga duka;
3 ahetamö, ba no hulö mako sebua, sowulo, ba zi lö ambö agu nifaruka samohua, ba talumö, ba no timba zi samba lauru fakhe, nifaduwa tou, ba nifasui bunga ladari mböhö;
4 ba no hulö nono nago zusumö andrö, hulö nono nago si faero.
5 Ba bagimö, ba no amaedola malige ifö guaza; hörömö, ba no timba mbaŵa nidanö ba Hesibona, ba zinga mbawa göli Mbatarabi; ba ikhumö, ba no hulö malige andrö ba hili Libano, si otahögö Damaseko.
6 Ba högömö, ba no fakhili-khili ba hili Garemeli, ba bumö, ba högö yaŵa, ba no timba ungu, — no möi fesu razo mbu andrö!
7 Ha lö asökhi ndra'ugö ba ha lö omasiö, ya'ugö fa'omasi, ba wa'owua-wua dödö andrö!
8 Botomö andrö, ba no hulö döla khorema, ba no amaedola ngamohi mbua zusumö.
9 Ba umane dödögu: Damanöido ba döla khorema andrö, ba utuyu hakhinia. Ena'ö na no timba ngamohi mbua nagu zusumö andrö, ba ena'ö na timba hua ma'ufa hua nikhumö andrö,
10 ba ena'ö na timba wondrege zi sökhi nagu gararomö, agu sadölö ahele ba dölö-tölö zomasi ndra'o, na no itörö mbewe ba ifö.
11 Khö zomasi ndra'o ndra'odo, ba no khögu humulu dödönia.
12 Tabu, ya'ugö somasi ndra'o, möi ita baero ba mbenua, ba ba halama mörö ita,
13 ba tahulö wongi ba kabu nagu, ba tafaigi, na no mobene nagu ba na no aboto mbowo, ba na no mobowo dalimo; ba da'ö dania ufa'ele'ö khöu wa'omasigu ndra'ugö.
14 Amohua mbua dudayi, ba no so ba gahe zagö khöda ngawalö mbua geu omasiö; si bohou ba si no ara no ube'e yaŵa khöu, ya'ugö somasi ndra'o.

Famotokhi ba gahe

Fabaliŵa lala

Olayama Sinunö Sebua: 1 • 2 • 3 • 4 • 5 • 6 • 7 • 8

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö