Famangelama fa böi mangawuli ba huku föna
editI. 1 Andrö taböhöli sa'ae wamobörö fangombakha Keriso andrö, ba tafa'ese ba wamo'ahonoa; böi sa'ae tafuli wamodane-dane, famalalini era-era ba mbua-bua si mate, ba famati ba Lowalangi,[1] 2 ba famahaö ba wamayagö idanö andrö, ba ba wanufa tanga, ba ba wemaoso zi mate, ba ba wanguhuku si lö tebulö andrö.[2] 3 Ba da'ö nilauda, na itehe Lowalangi.
4 Tebai sa, na so zi no muhagaini tödö zamuza, si no manandra ame'ela andrö moroi ba zorugo, ba si no mo'urakha Eheha ni'amoni'ö andrö,[3] 5 ba si no manandra taroma li Lowalangi andrö, si sökhi, awö wa'abölö andrö, 6 ba götö dania, ba na lafuli furi, ba tebai te'a'azökhi zui ira, ba wamalalini era-era, ya'ira, si no mamoröfa khöra zamuza tö Ono Lowalangi, si no mame'e ni'o'aya ya'ia.[4]
7 Tanö andrö sa, samadu teu andrö, sasese aekhu ba khönia, si so sinanö, soguna ba zamahaogö'ö ya'ia, ba no itema dana khönia howu-howu khö Lowalangi.[5] 8 Ba na sa'a-sa'a mao ba lato zi tumbu khönia, ba lö faduhu dödöda khönia, ba no ahatö khönia wangelifi; ba fozunia, ba fanunu ya'ia.[6]
9 Ba ba khömi, ya'ami ni'omasi'ö, ba no faduhu dödöma, ba zi sökhi, ba zoguna ba wangorifi andrö, he ŵa'ae no si manö lima. 10 Tenga sa si lö atulö Lowalangi, fa olifu ia ena'ö mbua-buami, awö wa'omasi andrö, nifa'ele'ömi, fa'omasimi döinia, me möi ami enoni ni'amoni'ö andrö, awö wa enonira na ami iada'e.[7]
Famarou ena'ö böi mamalö ba gamabu'ula li andrö
editII. 11 Ba omasi ndra'aga, ena'ö dozi ami mi'oroma'ö wa'owölö-ölö andrö, ena'ö a'oi so wa'aro wanötöna andrö, irugi gamozua, 12 ena'ö böi abe'e dödömi, ena'ö mibe'e famaedo khömi zanema amabu'ula li andrö, ba wamati, ba ba wa'ebolo dödö.[8]
13 Me ibe'e gamabu'ula li khö Gaberahamo Lowalangi, ba fahölu ia, ba khönia, me lö khönia sebua, nibe'e hölu ena'ö, 14 imane: "Si ndruhu-ndruhu, ufahowu'ö sibai ndra'ugö, ba a'oi so dania wangoya'ögu ya'ugö."[9] 15 Ba me no imanö wamologö tödönia, wombaloi, ba no itema gamabu'ula li andrö.[10]
16 Na niha sa, ba labe'e hölu zebua, ba tebato wamadaö fefu, ba wahölusa andrö, ba wangaro'ö niŵa'ö.[11]
17 Andrö ifake wahölusa Lowalangi, me i'oroma'ö sibai na mena'ö, ba zanema amabu'ula li andrö, wa tebai awu'a gera-erania,[12] 18 ena'ö tobali dombua balö zi lö awu'a, ba zi tebai mofaya Lowalangi, nibe'e famarou dödöda, sabölö-bölö, ya'ita, si no manaŵa da'ö, wa lö taböhöli dötönafö andrö, si so fönada,[13] 19 si no möi sao nosoda, si no aro, si no abe'e, si rugi göi bakha barö mba'a-ba'a andrö,[14] 20 ba zi no möi bakha sowaö-waö salahida, Yesu andrö, me tobali ere sebua ia, dali gamuata Melekhisede andrö, irugi zi lö aetu.[15]
Famotokhi ba gahe
editFabaliŵa lala
editOlayama Zura Heberaio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö