Wikimedia Incubator

Wb/nia/Heberaio/1

< Wb | nia | Heberaio
Wb > nia > Heberaio > 1

Fama'ele'ö ba fa'asalaŵa Nono Lowalangi

edit

I. 1 Me no aefa wehede Lowalangi föna, khö ndra tuada, si no asese, ba si no oya ngawalö, nifa'ema zama'ele'ö andrö, ba no muhede ia, me luo safuria andre, khöda, nifa'ema Nononia.[1]

Fa'asalaŵa Nononia yaŵa ndra mala'ika

edit

II. 2 Nifataronia sanema ondröita, fefu, hadia ia, nibe'enia göi samazökhi danö'a,[2] 3 si no haga lakhöminia andrö ba duma-duma mbotonia, sanaya fefu hadia ia, taroma li fa'abölönia andrö, ba no isöndra wangehao andrö, fameta horö, ba no mudadao ia ba gambölö wa'asalaŵa andrö, ba zalaŵa yaŵa;[3] 4 ba no tohude ia moroi ba mala'ika, ndrohu-ndrohu wa'atohude döi andrö, nitemania, moroi ba döira.[4]

5 Ha niha sa mala'ika, ba zi no irai iŵaö: "Onogu ndra'ugö, ma'ökhö andre no mo'ono ndra'o ya'ugö?" Ba imane zui: "Amania ndra'odo ba Onogu ia."[5] 6 Ba so zui, me ifataro ba guli danö zi a'a ba wa'atumbu andrö, ba imane: "Ba yamangalulu khönia mala'ika Lowalangi, fefu."[6] 7 Ba imane sa ba mala'ika andrö: "Samali'ö angi mala'ikania, ba samali'ö hola-hola galitö enoninia".[7]

8 Ba ba Nono andrö, ba imane: "Dadaomamö, ya'ugö Lowalangi, ba no si lö tebulö, götö-götö wa'ara, ba si'o ba wa'atulö zi'o zalaŵa andrö khöu.[8] 9 No omasi ndra'ugö wa'atulö, ba no fa'udu ndra'ugö ba zi lö atulö; andrö no ibayoini ndra'ugö Lowalangiu, ya'ugö Lowalangi, fanikha fa'owua-wua dödö, no ihude'ö ndra'ugö, moroi ba nawöu."[9] 10 Ba: "Ya'ugö So'aya zolata tanö, ba mböröta, ba nifazökhi dangau mbanua si yaŵa;[10] 11 ya'ia, ba sadudu dania, ba ya'ugö, ba si lö tebulö; ba atua dania da'ö fefu, timba mbaru,[11] 12 ba ögölugö dania, hulö lembe, ba tobali dania, ba ya'ugö, ba ya'u-ya'ugö manö, ba si lö aetu ndröfiu."

13 Ba ha niha ba mala'ika, ba zi no irai iŵa'ö: "Dadao ba gambölögu, irege no ube'e dane-dane gaheu zi fatiu tödö khöu?"[12] 14 Tenga no a'oi bekhu enoni ira, nifatenge sanolo ba zanema fangorifi andrö dania?[13]

Famotokhi ba gahe

edit
  1. ↑ MozIV 12:6 b.t.; HalZin 3:22–24; FetI 1:20; Yoh 15:15
  2. ↑ Faigi 2:7–8; Efes 1:20 b.t.; Yoh 1:3–10
  3. ↑ KorII 4:4; Kol 1:15; Faigi 9:14–26; 12:2
  4. ↑ Fil 2:9
  5. ↑ Faigi 5:5; Sin 2:7; SamII 7:14
  6. ↑ Kol 1:15; Rom 8:29; Sin 97:7; Efes 1:21
  7. ↑ Sin 104:4
  8. ↑ Sin 45:7–8
  9. ↑ Yes 61:1
  10. ↑ Sin 102:26–28
  11. ↑ Yes 51:6; FetII 3:10
  12. ↑ Sin 110:1
  13. ↑ Sin 34:8; 92:11 b.t.; Mat 18:10

Fabaliŵa lala

edit

Olayama Zura Heberaio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Heberaio/1&oldid=6229850"