Wikimedia Incubator

Wb/nia/Heberaio/2

< Wb | nia | Heberaio
Wb > nia > Heberaio > 2

Fangelama fa böi mondröi lala wangorifi

edit

I. 1 Andrö mendrua manö ta'olembai ena'ö nirongoda andrö, fa böi ahani ita. 2 Na no aro sa'ae daroma li andrö, ni'ombakha'ö mala'ika, ba na no tesulöni si nangea khönia fefu ngawalö wanawö, awö ngawalö wa lö molo'ö fefu,[1] 3 ba he tawisa wangefa'ö ya'ita, na ta'ositengagö wangorifi si manö fa'ebua? nifobörö ba wangombakha Zo'aya andrö, nifaduhu'ö zamondrongo khönia andrö, khöda,[2] 4 nifo'awö famaduhu'ö andrö khö Lowalangi, ba dandra andrö, ba ba gila-ila, ba ba ngawalö hadia ia wa'abölö, ba ba wame'e-me'e Eheha ni'amoni'ö andrö, dali zomasi ia.[3]

Fa'asalaŵa Keriso

edit

II. 5 Tenga sa barö mbawa mala'ika ibe'e zi sagötö tanö dania, niŵa'ö-ŵa'öma.[4] 6 Ba noa sa so zamaduhu'ö, samuza, no imane: "Hadia niha, wa itörö tödöu? ba ono niha, wa öfaigi ia?[5] 7 No ö'ide-ide'ö ia, si lö arara, tou mala'ika; no öfotakula ia, lakhömi ba sumange,[6] 8 no öbe'e barö gahenia fefu, hadia ia." Ba wame'e barö mbawa andrö sa fefu, hadia ia, ba lö nisaigönia, si lö mube'e barö mbawania. Ba iada'e, ba lö'ö na ta'ila, no mube'e barö mbawania fefu, hadia ia.[7]

9 Ba ni'ide-ide'ö andrö, tou mala'ika, si lö arara, Yesu, ba ta'ila, nifo'aya lakhömi ba sumange, börö wamakao andrö, nitahania, fa'amate andrö, ena'ö itandra wa'amate, salahi niha fefu, balazi wa'ebua dödö Lowalangi.[8]

10 Da'ö sa zi nangea khönia, si no börö hadia ia, fefu, ba zoroi fefu, hadia ia, me ato ndraono i'ohe ba lakhömi: ba wamakao ifo'ahonoa solohe ya'ira ba wangorifi andrö.[9]

Tobali ia niha ba wangorifi ya'ita

edit

III. 11 Ba he si amoni'ö sa, ba he ni'amoni'ö andrö, ba ha samösa duara fefu; da'ö göi mbörö, wa lö aila ia fatalifusö khöra,[10] 12 imane: "U'ombakha'ö döimö ba dalifusögu andrö, ba zowulo banua usuno ndra'ugö."[11] 13 Ba imane zui: "Sanötöna khönia dania ndra'odo." Ba so zui, ba imane: "Hiza, ya'o ba iraono andrö, nibe'e Lowalangi khögu."[12]

14 Ba me no ösi niha göi nösi ndraono, ba no itema göi dana khönia da'ö, no fakhili-khili, ena'ö ifakiko ba wa'amate andrö zi so fa'abölö wa'amate. Afökha andrö;[13] 15 ba ena'ö i'efa'ö zi no sawuyu, sagötö ya'ira, ba wa'ata'ura wa'amate andrö.[14] 16 Tenga sa ato mala'ika nitolonia, no ma'uwu Gaberahamo andrö itolo.

17 Andrö lö tola lö fagölö-gölö ia ba dalifusönia, gofu he wisa wamaigida, ena'ö sahakhö tödö ia, ba ere sebua, si lö faröi, khö Lowalangi, ba wame'e höli ba horö mbanua andrö.[15] 18 Ndrohu-ndrohu zi no itaha famakao sa, si no tetandraigö ia, ba i'ila itolo nitandraigö andrö.[16]

Famotokhi ba gahe

edit
  1. ↑ HalZin 7:53; Gal 3:19
  2. ↑ Faigi 10:2; Mar 1:14
  3. ↑ HalZin 14:3; KorI 12:4–11
  4. ↑ FetII 3:13
  5. ↑ Sin 8:5 b.t.
  6. ↑ Luk 22:43
  7. ↑ Faigi 1:2; Mat 28:18; Yoh 3:35
  8. ↑ Fil 2:8–9 b.t.; KorII 5:14–15
  9. ↑ Rom 11:36; Faigi 5:8–9 HalZin 5:31
  10. ↑ Yoh 17:19; Mar 3:34 b.t.
  11. ↑ Sin 22:23; Rom 8:29
  12. ↑ Yes 8:17–18
  13. ↑ Rom 8:3; TimII 1:10; YohI 3:8
  14. ↑ Rom 6:17 b.t.
  15. ↑ Faigi 4:15–5;1 b.t.
  16. ↑ Faigi 4:16

Fabaliŵa lala

edit

Olayama Zura Heberaio: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Heberaio/2&oldid=6229851"