Amuata si sökhi zatua ba iraono
editI. 1 Ya'ami iraono, mi'o'ö li ndra amami inami, ba khö Zo'aya; da'ö sa zatulö.[1] 2 "Fosumange namau, awö ninau" da'ö mböröta goroisa si so amabu'ula li: 3 "ena'ö ohahau dödöu, ba ena'ö anau nosou ba guli danö."[2] 4 Ba ya'ami, ira ama, böi mi'andrö wönu ndraonomi, mifamaha-maha ira, mibe'e wotu, ba mifarou dödöra, khö Zo'aya.[3]
Amuata si sökhi ba zawuyu
editII. 5 Ya'ami sawuyu, mi'o'ö li zokhö botomi; sata'u ami, ba sanizi-nizi, ya'adölö dödömi, hulö na khö Keriso.[4] 6 Böi ha na anehe ira, si mane sangalui fa'omasi niha ira; ena'ö na si mane enoni Keriso, solo'ö somasi Lowalangi, 7 soroi ba dödö, si no aoha gölö, we'amöi enoni, hulö na khö Zo'aya, ba na tenga ba niha; si no mangila: 8 hadia zi sökhi, nilau zamösana ba tesulöni khönia, khö Zo'aya, he sawuyu ia, ba he si tenga sawuyu.[5] 9 Ba ya'ami, sokhö niha bö'ö, ba mimanö göi khöra, ba mibato wameta'u ya'ira, me no mirongo, so ba zorugo Zo'aya ya'ami, So'aya ya'ira göi, ba lö ba khönia famaigi bawa niha.[6]
Famarou tödö ba wa'anau gölö
editIII. 10 Ba hadia baero ö, ba mi'abölö'ö ami, ba khö Zo'aya, ba ba wa'abölö wa'abe'enia andrö.[7] 11 Mi'a'aro'ö ami, fangaro andrö, khö Lowalangi, ena'ö abe'e ami, ba wa'onekhe Gafökha andrö. 12 Tenga sa fasöndrata ba niha wasöndratada, no fasöndrata ba zamatörö andrö, ba zalaŵa andrö, ba zokhö uli danö andre, ba zogömi-gömi andre, fasöndrata ba mbekhu si lösökhi andrö, ba mbanua si yaŵa.[8] 13 Andrö mihalö wangaro andrö khö Lowalangi, ena'ö tola milaŵa, na baŵa si lö sökhi, ba ena'ö tola mi'asiwai fefu hadia ia, ba ena'ö möna ami.[9] 14 Ba mi'abe'e'ö ami, böbö löwi-löwimi zi duhu, ba öröbami wa'atulö dödö,[10] 15 badagahe ba gahemi wa no mifa'anö ami, ba wangombakha turia somuso dödö andrö, ba wa'atulö. 16 Ba awö da'ö fefu, ba mihalö mbaluse famati andrö, si tola mibe'e fangokafu nono wana Gafökha andrö, so'alitö;[11] 17 ba mihalö detenaulu fangorifi andrö, awö wöda Geheha andrö, taroma li Lowalangi.[12] 18 Fefu hadia ia ngawalö wangandrö, awö ngawalö wakaosa, milau, böi mifamalö-malö, soroi ba Geheha ba böi miförö-förö ba da'ö, ya'a'oi so wa'anau gölö, awö wangandrö, salahi ni'amoni'ö andrö fefu,[13] 19 ba salahigu, ena'ö tebe'e khögu hadia niŵa'ö, na fahuhuo ndra'odo, ena'ö lö aiwö ndra'o, wangombakha si no tobini andrö, turia somuso dödö andrö,[14] 20 ba nibe'e sinenge ya'odo, ba rate andre, ena'ö lö alaŵö-laŵödo ba da'ö, ena'ö si nangea huhuo huhuogu andrö.[15]
Fango'oi zura
editIV. 21 Ba ena'ö mi'ila göi, he wisa khögu, hadia nilaugu, ba i'ombakha'ö khömi dania fefu, hadia ia, Tikhiko andrö, talifusö ni'omasi'ö andrö, enoni si lö faröi ba khö Zo'aya;[16] 22 nifatengegu khömi, ba da'ö, ena'ö mirongo, he wisa khöma, ba ena'ö irara dödömi. 23 Ndrafalukha dalifusö wa'ohahau dödö ba fa'omasi ba famati, khö Lowalangi Ama, ba khö Zo'aya ya'ita, Yesu Keriso,[17] Ndrafalukha wa'ebua dödö dozi sangomasi'ö So'aya ya'ita, Yesu Keriso, si lö tebulö.[18]
Famotokhi ba gahe
edit- ↑ Kol 3:20
- ↑ MozII 20:12
- ↑ Kol 3:21; MozI 18:19
- ↑ Kol 3:22 b.t.; FetI 2:18
- ↑ KorII 5:10
- ↑ MozIII 25:43; Kol 4:1; Rom 2:11
- ↑ KorI 16:13
- ↑ Faigi 2:2; Luk 22:31
- ↑ KorII 10:4
- ↑ Luk 12:35; Yes 11:5
- ↑ Amaed 30:5; Sin 7:11
- ↑ TesI 5:8; Yes 59:17; Heb 4:12
- ↑ Luk 18:1; Kol 4:2,3
- ↑ TesII 3:1
- ↑ Kol 4:4; KorII 5:20
- ↑ Kol 4:7 b.t.
- ↑ FetI 5:14
- ↑ Fil 4:23
Fabaliŵa lala
editOlayama Zura Efeso: 1 • 2 • 3 • 4 • 5 • 6
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö