Wikimedia Incubator

Wb/nia/Efeso/2

< Wb | nia | Efeso
Wb > nia > Efeso > 2

Amuata niha Nefeso

edit

I. 1 Khömi göi, si no mate föna, ba golalöŵami andrö, ba ba horömi andrö,[1] 2 nitörömi föna, dali huku ba guli danö andre, dali zalaŵa andrö, sokhö fa'abölö andrö, ba dalu mbanua, bekhu andrö, sabölö iada'e na, ba ndraono wa lö molo'ö andrö,[2] 3 nitöröda göi föna, dozi ita, ba wangisö nösida andrö, me talau zomasi nösi, awö gaso'ala dödöda andrö, ba me to'ua iraono si göna fönu ita, si mane tanö bö'ö göi.[3] 4 Ba Lowalangi andrö, si no a'oi so fa'ahakhö dödö, ba wa'omasinia andrö, si no fahöna, fa'omasinia ita,[4] 5 he me no si mate ita, ba golalöŵa andrö, ba no i'orifi ita, awö Keriso — fa'ahakhö dödö, wa no auri ami — [5] 6 ba no ifao wanusugi ya'ita ba famawu'a ya'ita, fama'aso ya'ita ba mbanua zorugo, ba khö Keriso Yesu,[6] 7 ena'ö i'oroma'ö ba götö dania wa'ahakhö dödönia andrö, si no a'oi so, si no fahöna, ba wa'ebua dödönia khöda, ba khö Keriso Yesu.[7] 8 Fa'ahakhö dödö sa, wa no auri ami, moroi ba wamati, ba tenga moroi khömi da'ö, no buala Lowalangi,[8] 9 tenga moroi ba mbua-bua, fa böi isuno ia niha.[9] 10 Nifazökhinia sa ita, nifazökhi ba khö Keriso Yesu, ba mbua-bua si sökhi, ba nihonogöi Lowalangi ya'ita, föna sa'ae, ena'ö tatörö.[10]

Te'orudugö ira khö Keriso

edit

II. 11 Andrö böi mi'olifugö ami, ya'ami si no niha baero föna, to'ua ya'ami, niwa'ö si lö muboto, ba zi so töi niboto, niboto tanga, ba nösi,[11] 12 wa no lö Keriso khömi, me luo da'ö, wa no tenga so'urakha ami ba mbanua Ndraono Gizeraeli, wa no niha bö'ö ami, ba wawu'usa li andrö, ba gamabu'ula li andrö, wa no si lö Lowalangi, ba guli danö andre.[12]

13 Ba iada'e, ba khö Keriso Yesu, ba no tobali ahatö ami, ya'ami, si no aröu föna, börö ndro Keriso andrö.[13] 14 Fangatulöda sa ia, ya'ia, si no mangorudugö si dua ngasi andrö, si no manudugö oto'oto, öli andrö,[14] 15 fa'udusa andrö, me no iheta goroisa amakhoita, nifakhoi andrö, ba nösinia, ena'ö ibali'ö niha si bohou, si ha samösa, zi darua andrö, ba khönia, wangatulö'ö ya'ira,[15] 16 ba ena'ö i'atulö'ö khö Lowalangi zi dua ngasi andrö, ba mboto andrö, si ha sambua, moroi ba röfa andrö, na no ibunu wa'udusa andrö, ba da'ö yaŵa.[16]

17 Ba me so ia, ba ituriagö wangatulö, turia somuso dödö, khömi, saröu, ba fangatulö göi ba zahatö. [17] 18 Me moroi khönia, wa no faoma so khöda lala khö Nama, ha sambua Geheha.[18] 19 Ba tobali tenga sa'ae niha bö'ö ami, ba tenga sa'ae si fatewu, no banua ni'amoni'ö ami, ba soroiyomo Lowalangi,[19] 20 nifa'anö ba dete dane-dane andrö, sinenge andrö ba sama'ele'ö, ba zi no tobali toyo ba watalinga Keriso Yesu,[20] 21 ba zanöi tomosa andro, ma'asambua, nifa'anö, tobali osali ni'amoni'ö, ba khö Zo'aya, [21] 22 ba nifa'anö göi ya'ami, awö, omo Lowalangi, ba Geheha.[22]

Famotokhi ba gahe

edit
  1. ↑ Kol 2:13
  2. ↑ Faigi 6:12; Tit 3:3 b.t.; KorII 4:4
  3. ↑ Kol 3:7; Rom 8:7,8
  4. ↑ Faigi 1:5-7; YohI 3:1
  5. ↑ Faigi 5:14; Kol 2:12 b.t.; HalZin 15:11
  6. ↑ Fil 3:20
  7. ↑ Faigi 1:7
  8. ↑ Rom 3:24; Gal 2:16
  9. ↑ Rom 3:27
  10. ↑ Tit 2:14; KorII 5:17
  11. ↑ Rom 2:26,29; Kol 2:13
  12. ↑ Rom 9:4
  13. ↑ Yes 57:19; Efes 1:7
  14. ↑ Yes 9:6; Kol 1:20
  15. ↑ Kol 2:14
  16. ↑ Kol 1:21
  17. ↑ Faigi 2:13; HalZin 10:36
  18. ↑ Faigi 3:12; Rom 5:2
  19. ↑ Faigi 2:12; 3:6
  20. ↑ KorI 3:9 b.t.; Yes 28:16
  21. ↑ Faigi 4:16
  22. ↑ KorI 3:16; FetI 2:5

Fabaliŵa lala

edit

Olayama Zura Efeso: 1 • 2 • 3 • 4 • 5 • 6

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Efeso/2&oldid=6229815"