Wikimedia Incubator

Wb/nia/Efeso/5

< Wb | nia | Efeso
Wb > nia > Efeso > 5

Famarou ba wangohahau

edit

I. 1 Ba mi'o'ö khö Lowalangi, si mane iraono omasiö.[1] 2 Ba mitörö lala wa'omasi andrö, si mane fangomasi'ö Keriso ya'ita, awö wa no ibe'e ia salahida, ame'ela ba sumange, samohua khö Lowalangi.[2] 3 Ba fohorö, ba hadia ia ngawalö wa'ara'i-ra'iö fefu, ba fa'omasi gana'a, ba böi na i terongo ba khömi, si manö zoadu ba ni'amoni'ö.[3] 4 Ba fehede si lö sökhi, ba faya-faya, ba fawudesa si lö boto, si lö moadu; si sökhinia, na fangandrö saoha gölö.[4] 5 Da'ö sa ya'aboto ba dödömi: lö mo'urakha ba mbanua Keriso, ba mbanua Lowalangi andrö, zohorö, ba sira'i-ra'iö, ba somasi ana'a, ha niha ia, si no same'e adu.[5] 6 Böi yamufaelungu ami niha, fehede si lö boto; da'ö sa mbörö wa mofönu Lowalangi ba ndraono si lö mamondrongo li.[6] 7 Andrö böi awöra ami. 8 Noa sa sogömi-gömi ami föna, ba iada'e, ba no haga ami ba khö Zo'aya; lala ndraono haga mitörö, [7] 9 Bua-bua haga sa, ba ya'ia ngawalö wa'asökhi dödöda, khö nawöda, awö wa'atulö dödö, awö wa'aduhu.[8] 10 Ba mitimba tödömi, hadia zomasi Zo'aya,[9] 11 ba böi fao ami ba wama'ua bua-bua wa'ogömi-gömi andrö, si lö boto, mi'otu'ö na i göi.[10] 12 Hadia nilaura sa, ba zi tobini, ba aila ita na i tatötöi. 13 Ba fefu da'ö, hadia ia, ba ni'otu'ö ba haga, ba ni'oroma'ö; fefu, hadia ia sa, zoroma, ba haga da'ö.[11] 14 Andrö so ba zura: "Faoso, ya'ugö, si no mörö, fazaŵa'ö moroi ba ngai zi mate, ba ihagaini ndra'ugö Keriso."[12] 15 Ba mifaigi sibai, he wisa wanörömi lalami; böi si mane sambö era-era, si mane satua-tua a'ine.[13] 16 Mi'oguna'ö ginötö andrö, me no si lö sökhi-sökhi mbaŵa da'e.[14] 17 Andrö böi sambö era-era ami, ya'aboto ba dödömi hadia zomasi Zo'aya.[15] 18 Ba böi mibusi ami agu, tobali famakuyu da'ö; yafahöna khömi Geheha;[16] 19 milau-lau khö nawömi zinunö, ba lailö, ba manö-manö nibe'e Geheha, mifalailö tödömi, ba mi'anunö, khö Zo'aya.[17] 20 Böi mifamalö-malö wangandrö saoha gölö, khö Lowalangi Ama, nitemada khönia fefu, ba döi Zo'aya ya'ita, Yesu Keriso.[18] 21 Faoma mi'o'ö li nawömi, ba wa'ata'uda Keriso.[19]

Amuata si sökhi zi faronga

edit

II. 22 Ira alawe, ba ndramu'o'ö li ndra matuara, hulö na li Zo'aya,[20] 23 me no högö ndra alawe ndra matua, si mane Keriso göi, me no högö mbanua ia, ba sangorifi boto ia.[21] 24 Ba si mane banua, me no la'o'ö li Keriso, ya si manö ndra alawe, ba ndra matua, ba ngawalö hadia ia, fefu.[22] 25 Ya'ami, ira matua, mi'omasiö ndra alawemi, si mane Keriso, me no i'omasi'ö mbanua, ba me no ibe'e salahira ia.[23] 26 ena'ö i'amoni'ö ira, me no ihaogö ira, femondri andrö, ba daroma li,[24] 27 ena'ö molakhömi mbanua andrö khönia, ibe'e, si lö hadia ia da'i, ba ma si tekuru, ba ma hadia ia, ena'ö ohau-hau, si lö sinegu.[25] 28 Ya si manö wa'omasi ndra matua ndra alawe khöra, si mane fa'omasira mbotora. Somasi ngambatönia, ba i'omasi'ö mbotonia. 29 Lö irai fa'udu niha ba nösinia, irorogö, ba ihaogö-haogö, si mane Keriso göi ba mbanua, 30 me no ndroto-ndroto mbotonia ita.[26] 31 "Andrö iröi namania, awö ninania niha, ba molemba ia ba ngambatönia, ba tobali ha sambua ösi zi darua andrö."[27] 32 No ebua zi no tobini andrö; ba fehedegu, ba ba khö Keriso ba ba mbanuania faekhu.[28] 33 Ba ba khömi, ba yamu'omasi'ö ngambatönia zamösana, si mane fa'omasinia ia; ba ira alawe, ba ena'ö na i'ata'ufi ndra matua.

Famotokhi ba gahe

edit
  1. ↑ Mat 5:48; Luk 6:36
  2. ↑ Faigi 4:1,2; Yoh 13:34; Gal 2:20; Heb 9:14
  3. ↑ Kol 3:5,6; KorI 6:18 b.t.
  4. ↑ Faigi 4:29
  5. ↑ KorI 6:9,10; Mat 6:24
  6. ↑ Faigi 4:14; KorI 15:33; Mat 7:15
  7. ↑ FetI 2:9; Fil 2:15; Yoh 12:35,36
  8. ↑ Gal 5:22
  9. ↑ Rom 12:2
  10. ↑ KorII 6:14
  11. ↑ Yoh 3:20; Kor 1:4,5
  12. ↑ Yes 60:1,2; Rom 13:11
  13. ↑ Mat 10:16; Yak 3:13
  14. ↑ Kol 4:5
  15. ↑ Faigi 5:10
  16. ↑ Amaed 20:1; 23:20,29
  17. ↑ Kol 3:16; Sin 96:1
  18. ↑ Kol 3:17; TesI 5:18
  19. ↑ Mat 20:26; FetI 5:5
  20. ↑ MozI 3:16; Kol 3:18
  21. ↑ Faigi 1:22,23; KorI 11:3
  22. ↑ FetI 1:3
  23. ↑ Kol 3:19; Efes 5:2
  24. ↑ Yoh 17:17,19; 15:3; Tit 3:5
  25. ↑ Faigi 1:4; Kol 1:21,22
  26. ↑ Rom 12:5
  27. ↑ MozI 2:24
  28. ↑ KorII 11:2

Fabaliŵa lala

edit

Olayama Zura Efeso: 1 • 2 • 3 • 4 • 5 • 6

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Efeso/5&oldid=6229818"