Incubator:Wukideita/Databox

Ghwughwu a̱guguut neet mi̱ wokshop Databox ma̱ a̱tung Celtic Knot Conference 2022 ka.

Databox yet modut hwa ku tyei a̱kuzut-nkhang a̱ byia̱ nkhang á̱ bwoi bai ndyo neet mi̱ Wukideita tyei ma̱ a̱yaati̱kut di̱ wuki mak ang hu. Á̱ maai á̱ nyia̱ ta̱m ma̱ng a̱nhu ku da̱ A̱vwuogo Wukimedia ku mi̱ ngwuki na̱ shyia̱ ma̱ng swuan a̱ni.

Á̱ fwuop ngwat da̱ A̱vwuogo Wukimedia ma̱ng Wukideita ma̱nang á̱ nyia̱ mi̱ Wukipedia a̱ni bah, huhwa mbyia̱ nang ku myim a tyia̱ ID Wukideita wu – fang Incubator:Wukideita mat a̱cyuang nkhang tazwa si̱sak nang a na nyia̱ a shyia̱ a̱ca̱caat ID Wukideita wu a̱ni.

Si̱sak nang á̱ nyia̱ ta̱m ma̱ng databox a̱ni

Shisham databox jija yet hyohyoot nta̱m ku byia̱ a̱ni. A̱mgba̱m kyang ku myim a nyia̱ a̱ni huhwa yet a ntyia̱ nhu mami ati̱kut wu, a si̱ ntyia̱ ID Wukideita wu, a̱wot ma̱ng a̱pyia̱ nhu, ku na si̱ ntyai nkhang na̱ shyia̱ mi̱ Wukideita a̱ni. Á̱ na maai á̱ bwuak a̱mgba̱m nkyai na ma̱ng nkyangmami databox na ka̱nang á̱ nat a̱ca̱caat á̱ngga ma̱ng zwá Wukideita a̱ myim a̱ni.

Mi̱ kyangjhyuk-nwuan hu

Ka̱nang a jhyuk mi̱ kyangjhyuk-nwuan hu hwa a̱ni, a na mbeang ta̱mpi̱let hu di̱n vak nyap "Insert" > "Template" a kin ntyia̱ "(your wiki's prefix)/Databox". A na si̱ mbeang a̱ngga wu "item" a si̱ mbeet ID Wukideita wu a̱ nyia̱ ca̱caat ma̱ng ati̱kut nang a jhyuk a̱ni.

Di̱n vak a̱tyin hu

Ka̱nang a jhyuk di̱n vak a̱tyin hwa a̱ni, a̱mgba̱m kyang ku myim a mbeang ma̱ ati̱kut wu, huhwa yet si̱ huni:

{{Databox|item=Q42}}

Ka̱nang a hyat kyangta̱m AddPrefix hu (nang á̱ khwuk konyan ndyo neet di̱n tsa hu a̱ni), ku myim a ba̱ lyuut si̱ huni:

{{Wp/qdp/Databox|item=Q42}}

Si̱sak nang á̱ khwuk databox a̱ni

A̱mgba̱m kyang ku myim a lyen a tsa a nkhwuk ta̱mpi̱let databox huhwa yet, a maat (/kopi) ngwat nfeang. Nyiung hu na yet modut, a̱wot feang hu na si̱ yet ta̱mpi̱let. Ta hwa a shai kyang mami nna bah, kang ma̱ng template data hu di̱ wat feang hu.

Ka̱nang a khai wuki mak mi̱ ndan-cat ang na, da̱ a na li a̱ka̱fwuop tazwa si̱sak nang a na mbeang wuki mak ang hu databox a̱ji.

A cat beang a?

Ka̱ a cat á̱ beang ang ma̱ng kuzang tangka̱i kyang tazwa databox, fa̱k sa̱t a lyip ma̱ A̱na̱nwuai Sot-á̱niet ka.