Wt/zea/moker

Zeêuws

Etymologie

Ondujelijk, meschien verwant mee m(e)uke(n) meedan 'n paer slaegen mee de moker van aolles zachte maeke kunne.

Omschrievienge

moker m

• zwaeren 'aemer mee tweê stompe enden

Uutspraek

[ˈmoːkər ~ ˈmoʊkər]

Verbugienge

mokers meêrvoud, mokertje verkleinwoôrd

Afleiiengen

• mokere

Ontlêniengen in aore taelen

• moker Skepi
• mokro Sranantongo
  • mokoro Aucaons
  • mokro Sarnami

Bronnen

• Nicoline van der Sijs (2010, saemenstellienge), Etymologiebank

• Nicoline van der Sijs (2015, saemenstellienge), Uitleenwoordenbank bie 't trefwoôrd 'moker'

Skepi

Etymologie

Van Zeêuws moker en mokere.

Omschrievienge

moker

1. 'aemer
2. mee vee geweld slae

Opmerkienge: de beteikenis '’aemer' (zonder meêr) komt uut Robertson (1989), varreweg de belangriekste bron vò 't Skepi. D'Uitleenwoordenbank geef breekhamer (dus specifiek 'n 'moker' en nie eênder welken 'aemer) as beteikenis, awast geeft ze Robertson ok as bron. M'è 'ier dus mee 'n annaeme of 'n vergissienge vandoeën.

Uutspraek

[ˈmʌkər]

Beteikenisverwant

• sla

Bronnen

• Ian E. Robertson (1989), "Berbice and Skepi Dutch" in: Tijdschrift voor Nederlandsche Taal- en Letterkunde 3-21 (DBNL)