Wt/zea/aerebezem

Zeêuws

Etymologie

Middelnederlands ertbese, eertbesie (dienk ok an Tools aerebesie). Eêste deêl is gewoon aerde, tweêde deêl is etymologisch gliek an beier en kom van 't Oergermaonse *basją. De -m is 'n toevoegienge van laeter; mee d'n bezem (bamboes) eit dit van eiges niks te maeken.

Omschrievienge

aerebezem m aolgemeên, mae niet op Walcheren; ok op Zuud-Beveland gebruke ze aore vurmen (ziet onder)

• frinze, vrucht van eênder welke plante uut 't geslacht Fragaria

Uutspraek

[ˈɛːrəˌbeːzəm]

Verbugienge

aerebezems meêrvoud, aerebezempje verkleinwoôrd

Saemenstelliengen

• aerebezemladdertje

Varianten

• aerbezem, erbezem
• aerebemes, aerbemes, errebemes Zuud-Bevelands
• aerebeesje, aerebesie Tools in Fluplands
• aerebeie, aerbeie aorebeie, aorbeie Burgerzeêuws
• eurbele Zeêuws-Vlaonderen?

Synoniemen

• frinze, frenze, freinze Walchers

Vertaeliengen

Ziet bie frinze.

Bronnen

• Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 8-9

• Nicoline van der Sijs (2010, saemenstellienge), Etymologiebank

• Nicoline van der Sijs (2010, saemenstellienge), Etymologiebank