Wp/yua/Ch'a' cháak

< Wp‎ | yua
Wp > yua > Ch'a' cháak

Ch'a' cháake' jump'éel seremoonya ku beeta'al tumen maaya kaaj uti'al u k'áat óolta'al ka k'áaxak ja' yo'olal u yantal u yich u paak'al kolnáalo'ob. Uti'al u beeta'al le ch'a' cháako' u kolnáalil le kaajo'obo' ku much'kubáaob uti'al u muchko'ob le ba'axo'ob k'a'abet ti'ob. Suuka'ane' le ch'a' cháako' ku beeta'al ti' jump'éel kúuchil naats' ti' ts'ono'ot yéetel tu meesilo'ob bey tun yúuchul paak'al koole'. Uti'al u k'áat óolta'al le ja'o' ku kaxta'al juntúul jmeen yo'olal u beetik u payalchi'il. Yaan tu'uxe' tuláakal u tráajinil le cha' cháako' ku meeta'al tumen xiibo'ob, le ko'olelo'obo' mun cha'abal u yooklo'obi' tumen ku ya'ala'ale' jach loob u k'i'ik'elo'ob te' yumtsilo'obo'. Ba'ale', ich u máan k'iino'obe' lela' tun k'éexel, le beetike' yaan tu'uxe' ku chúunul u cha'abal u táakpajal ko'oleli'. Ich u meeyjulil le ch'a' cháako' ku beeta'al báalche', noj waaj yéetel xchok'ob; tuláakal le ba'al je'ela' ku ts'áabal ti' jump'éel xtáas che' yo'olal u náajalta'al tumen yúum cháak yéetel u jeel yumtsilo'ob kanantik k'áax.

Tamal que se prepara para la ceremonia del ch'a' cháak
Xbóoj wa noj waaj ku beeta'al uti'al ch'a'a cháak.