Wp/yua/Báalche'

< Wp‎ | yuaWp > yua > Báalche'

Báalche'

U k'ab junkúul báalche'

Báalche' ku cha'akal yéetel u sóol junkúul che' bey xan u k'aaba'o'. Utia'al le je'elo' ku kaxta'al junkúul báalche' yaan kex máanja'an junnáab u polokil u chuun, ku wées xo'otol u sóol u chuun kex bey kamp'éel yaalk'abil u kóochile' ku ko'obol tak u chukik tak u chukik tak ka'asáap u chowakil, ku ts'o'okole' ku bin u wu'uwuts'a'al wáa o xo'oxot'a'al bey tak junnáab u chowaktalile'. Junxóot'e' je'e u béeytal u ts'a'amal ichil tak óoxp'éel wáa kamp'éel litro u ja'il kaabe', bey u p'a'atal ichil óoxp'éel k'iin yéetel u áak'abilo', ba'ale' chen ku ts'a'abal ichil, kex wáa jayp'éel tikin chak iik, clavo de Tabasco yéetel kex wáa jayp'éel u sóol ki'ibok che'. Súukile' ti' jump'éel káat beeta'an yéetel k'at ku ts'a'amal. Ku máan túun le óoxp'eel k'iin ts'a'amako', ku máayta'al ma'alob tia'al u láaj luk'sa'al u xiixele' ku t'o'ojol túun ti' chúuj wáa botella, ts'o'oka'an tun bey tia'al meyaj ichil le sujuy je'ex ts'o'ok in wa'aliko'.[1]

Ma'alob tia'al chi'ibal pool. Tia'al lelo' ku lookansa'al u le'obo' yéetel túun u ja'ilo' ku p'o'ik u jo'ol máak. Wa yaaj tuláakal u wíinklil máak tu yo'olal k'aak'as iik'o'obe', ku yichíinta'al túun.

Tu'ux u taal

  1. Sánchez Chan, Feliciano. 2014. U Sujuy tiichilo'ob u meyajta'al ixi'im. D.R. MIATZIL MAAYÁA A.C.