Makanan tu benda yang manusia makang vor tros idop dan sehat. Makanan tu biasanya dari binatang ato tanaman.
Makanan pe asal edit
- Vor lebe lanjut, lia lei Batani
Dari tanaman edit
Manusia dan binatang sanang makang tanaman, deri ada banya manfaat vor beking sehat badan.
Tanaman ada biji-biji yang dia pe isi bae vor patumbuan badan. Tu biji-biji ada bras,milu, kacang tana, kacang ijo, dan wijen.
Bua lei deri tanaman. Ada kalapa, mangga, mangosten, dan gora. Rica, tamate, dan labu tu katù bamaso bua dang, mar manusia kase pake jadi sayor.
Manusia lei bapake tanaman jadi akang sayor. Dia pe conto ada artapel, akar kuning, bawang, dan kangkong.
Dari binatang edit
Manusia makang binatang, ada lei binatang yang makang pa binatang laeng. Daging tu yang manusia dapa makang, ada lei yang makang binatang pe isi-isi puru.
Manusia baambe binatang pe susu, vor babeking keju of mantega. Manusia lei baambe burung pe tolor dan ofu pe madu. Ada lei yang makang dara, dapa beking jadi sosis.
Ada banya balak dan agama yang nimbole makang binatang. Ada lei jo orang-orang yang dapa larang makang binatang deri nyanda bae vor dorang pe badan of deri dapa kasiang pa binatang.
| Dari Tanaman | Dari Binatang |
|---|---|
| Bua | Daging |
| Sayor | Tolor |
| Padi | Susu |
| Biji | Mantega |
| Kacang | Keju |
| Herba | Yogur |
| Rempa | Eskrim |
Lia juga edit