Kalapa ato klapa (Cocos nucifera) tu sajenis pohong palem. Depe tinggi bisa sampe 30 meter dan depe daong bisa tumbu lebar sampe 4-6 meter.
Orang da ja kase sebut ni pohong deng nama "Pohong Sejuta Guna" lantaran dari daung sampe depe akar torang bisa pake for rupa-rupa kaparluan. Dalang depe bua ada daging puti yang orang da ja ambe for makang, ada lei depe aer yang orang da ja ambe for minung langsung ato dorang beking jadi saguer. Bua kalapa yang so tua orang da kase jumur for beking kopra. Kopra ini orang kase pake for beking santang ato minya yang bisa orang pake for momasa ato beking sabong. Tampurung kalapa bisa orang beking jadi falo-falo ato arang ; depe gonofu bisa beking jadi keset ato tali; depe daong bisa orang beking jadi tikar ato mumu. Depe kayu juga orang ada ambe for beking ruma deng rupa-rupa mebel.
Lantaran kalapa pe asal tu dari Asia Tanggara, kong panduduk di ini wilaya pake ni pohong for dorang pe kaparluan sahari-hari. Skitar 75% dari bua kalapa di dunia ini datang dari Indonesia, Filipina, deng India. Sulut tu provinsi produsen kopra paling basar di Indonesia.
Lia lei
edit