Wp/syl/ꠍꠤꠟꠐꠞ ꠁꠔꠤꠀꠡ
ꠍꠤꠟꠐꠞ ꠁꠔꠤꠢꠣꠡ ꠅꠁꠟ ꠍꠤꠟꠐ ꠛꠤꠜꠣꠉ ꠀꠞ ꠁꠘ꠆ꠒꠤꠀꠞ ꠛꠞꠣꠇ ꠚꠣꠠꠞ ৩ ꠎꠦꠟꠣ ꠟꠁꠀ ꠚꠥꠞꠣ ꠍꠤꠟꠐ ꠅꠘꠌꠟ ⁕ ꠍꠤꠟꠐꠞ ꠁꠔꠤꠢꠣꠡ ꠡꠥꠞꠥ ꠅꠄ ꠍꠤꠟꠐ ꠡꠢꠞꠞ ꠛꠣꠎꠣꠞ ꠛꠅꠀ ꠀꠞ ꠛꠣꠠꠣꠞ ꠟꠉꠦ ꠟꠉꠦ ⁕ꠁꠔꠤꠢꠣꠡꠛꠤꠖ ꠅꠈꠟꠞ ꠝꠔꠦ ꠝꠣꠎꠞꠎꠝꠣꠘꠣꠞ ꠚꠄꠟꠣ ꠖꠤꠇꠦ ꠡꠦꠘ ꠀꠞ ꠖꠦꠛ ꠛꠋꠡꠞ ꠡꠣꠡꠘꠧ ꠎꠣꠅꠀꠞ ꠀꠉꠦ ꠢꠞꠤꠇꠦꠟ ꠀꠞ ꠇꠣꠝꠞꠥꠙꠞ ꠛꠃꠖ꠆ꠖꠧ ꠀꠞ ꠁꠘ꠆ꠖꠥ ꠞꠣꠎꠣ ꠅꠈꠟ ꠗꠣꠞꠣ ꠁ ꠅꠘꠌꠟ ꠡꠣꠡꠘ ꠅꠁꠍꠦ ⁕ ꠁ ꠖꠥꠁ ꠞꠣꠎ ꠡꠦꠡ ꠅꠁꠉꠦꠟꠦ ꠨ ꠍꠤꠟꠐ ꠜꠣꠋꠉꠤꠀ ꠈꠄꠐꠣ ꠍꠥꠐ ꠍꠥꠐ ꠞꠣꠎ꠆ꠎꠧꠔ ꠎꠦꠝꠘ ꠉꠧꠃꠠ ꠨ ꠟꠣꠃꠠ ꠨ ꠁꠐꠣ ꠨ ꠔꠞꠚ ꠀꠞ ꠎꠂꠘ꠆ꠔꠣ ꠞꠣꠎ꠆ꠎꠧꠔ ꠛꠣꠐ ꠅꠁꠎꠣꠄ ⁕ ১৪০০ ꠡꠔꠈ ꠍꠤꠟꠐ ꠎꠄꠞ ꠛꠣꠖꠦ ꠁ ꠅꠘꠌꠟ ꠟꠈꠘꠃꠔꠤꠞ ꠘꠛꠣꠛ ꠡꠣꠝꠡꠥꠖ꠆ꠖꠤꠘ ꠚꠤꠞꠥꠎ ꠡꠣꠢꠞ ꠡꠣꠡꠘ ꠅ ꠢꠣꠝꠣꠁꠎꠣꠄ ꠨ ꠁ ꠡꠝꠄ ꠡꠥꠚꠤ ꠀꠃꠟꠤꠀ ꠢꠎꠞꠔ ꠡꠣꠢ ꠎꠣꠟꠣꠟ ꠅꠞ ꠘꠣꠝꠦ ꠁ ꠅꠘꠌꠟ ꠅꠞ ꠘꠣꠝ ꠅꠄ ꠎꠣꠟꠣꠟꠣꠛꠣꠖ ⁕ ꠄꠞ ꠛꠣꠖꠦ ১৫৭৬ ꠡꠣꠟꠧ ꠇꠞꠞꠣꠘꠤ ꠞꠣꠎꠛꠋꠡꠞ ꠡꠣꠡꠘ ꠡꠦꠡ ꠅꠀꠞ ꠀꠉꠦ ꠨ ꠝꠥꠍꠟꠤꠝ ꠀꠚꠉꠣꠘ ꠡꠞ꠆ꠖꠣꠞ ꠅꠈꠟꠦ ꠢꠥꠞꠥ ꠢꠥꠞꠥ ꠞꠣꠎ꠆ꠎꠧ ꠅꠉꠥꠁꠘ ꠡꠣꠡꠘ ꠈꠞꠔꠣ ꠢꠦꠡꠦ ꠁꠔꠣ ꠖꠤꠟ꠆ꠟꠤ ꠀꠞ ꠡꠣꠢꠤ ꠛꠣꠋꠟꠣꠞ ꠡꠥꠟꠔꠣꠘ ꠅꠈꠟꠦ ꠡꠣꠡꠘ ꠈꠞꠍꠁꠘ ⁕ ꠛꠣꠋꠟꠣꠞ ꠛꠘꠥꠀꠚꠥꠛ (Wild East) ꠢꠔꠦ ꠡꠣꠛꠦ ꠁ ꠅꠘꠌꠟ ꠚꠞꠤꠍꠤꠔ ꠀꠍꠤꠟ ꠨ ꠝꠧꠊꠟ ꠅꠈꠟꠦ ꠍꠤꠟꠐꠞ ꠡꠞ꠆ꠖꠣꠞ ꠅꠈꠟꠞꠦ ꠀꠞꠣꠘꠤꠞ ꠟꠣꠉꠤ ꠟꠣꠠꠣꠁ ꠈꠞꠍꠁꠘ ꠨ ꠝꠧꠊꠟꠞ ꠡꠛꠌꠣꠁꠔꠦ ꠒꠣꠐ ꠛꠤꠞꠧꠗꠤ ꠈꠣꠎꠣ ꠃꠍꠝꠣꠘꠞꠦ ꠀꠞꠣꠁꠀ ꠁ ꠅꠘꠌꠟ ꠡꠦꠡꠝꠦꠡ ১৬১২ ꠡꠣꠟꠧ ꠝꠧꠊꠟ ꠡꠣꠡꠘꠞ ꠀꠃꠔꠣꠔ ꠀꠄ ⁕ ꠌꠣꠁꠘꠤꠎ ꠄꠈ ꠅꠁꠔꠤꠢꠣꠡꠤꠇ ꠄ ꠍꠤꠟꠐ ꠞꠦ ꠡꠤꠌꠣꠟꠢꠣꠔꠣꠘ ꠘꠣꠝ ꠈꠁꠍꠁꠘ ⁕ ꠍꠤꠟꠐ ꠝꠣꠘꠥꠡꠞ ꠛꠣꠡ ꠈꠅꠦꠈ ꠢꠣꠎꠣꠞ ꠛꠞꠍ ꠗꠞꠤ ꠨ ꠄꠈꠡꠝꠅ ꠍꠤꠟꠐ ꠀꠍꠤꠟ ꠇꠣꠝꠞꠥꠙ ꠞꠣꠎ꠆ꠎꠞ ꠜꠤꠔꠞꠦ ⁕ ꠛꠣꠖꠦ ꠄꠈꠡꠝꠅ ꠍꠤꠟꠐ ꠅ ꠉꠃꠞ ꠉꠧꠛꠤꠘ꠆ꠖ ꠞ ꠞꠣꠎ ꠀꠍꠤꠟ ꠨ ꠁ ꠡꠝꠅ ꠍꠤꠟꠐꠞ ꠝꠣꠘꠥꠡꠞ ꠃꠚꠞꠦ ꠈꠥꠛ ꠅꠔ꠆ꠎꠣꠌꠣꠞ ꠅꠁꠍꠦ ꠨ ꠛꠤꠡꠦꠡ ꠈꠞꠤ ꠝꠥꠍꠟꠝꠣꠘ ꠀꠞ ꠛꠁꠖ꠆ꠖ ꠅꠈꠟꠞ ꠃꠚꠞꠦ ⁕ ꠄꠞꠛꠣꠖꠦ ꠡꠣꠢ ꠎꠣꠟꠣꠟꠦ ৩৬০ ꠀꠃꠟꠤꠅꠣ ꠟꠁꠅꠣ ꠀꠁꠅꠣ ꠨ ꠍꠤꠟꠐ ꠛꠤꠎꠅ ꠈꠞꠤꠅꠣ ꠍꠤꠟꠐꠞ ꠝꠣꠘꠡꠞꠦ ꠃꠖ꠆ꠗꠣꠞ ꠈꠞꠟꠣ ⁕ ꠔꠣꠘ ꠘꠣꠝꠦ ꠄꠈꠡꠝꠅ ꠍꠤꠟꠐꠞ ꠘꠣꠝ ꠀꠍꠤꠟ ꠎꠣꠟꠣꠟꠣꠛꠣꠖ ⁕ ꠛ꠆ꠞꠤꠐꠤꠡ ꠀꠅꠅꠣꠞ ꠛꠣꠖꠦ ꠍꠤꠟꠐꠞ ꠉꠥꠞꠥꠔ꠆ꠛ ꠛꠣꠞꠤꠎꠣꠅ ꠨ ꠑꠣꠘ꠆ꠒꠣ ꠎꠣꠉꠣ ꠅꠅꠅꠣꠅ ꠍꠤꠟꠐ ꠛ꠆ꠞꠤꠐꠤꠡ ꠅꠈꠟꠞ ꠚꠍꠘ꠆ꠖ ꠅꠁꠍꠤꠟ ꠀꠞ ꠀꠡꠣꠝ ꠀꠞ ꠛꠣꠋꠟꠣꠞ ꠝꠣꠏꠦ ꠅꠅꠅꠣꠅ ꠍꠤꠟꠐ ꠀꠍꠤꠟ ꠈꠥꠛ ꠖꠞꠈꠣꠞꠤ ꠄꠈ ꠎꠣꠉꠣ ⁕ ꠛꠣꠋꠟꠣ ꠀꠞ ꠀꠡꠣꠝ ꠞꠦ ꠖꠥꠁ ꠜꠣꠉꠦ ꠛꠣꠐ ꠈꠞꠣꠞ ꠛꠣꠖꠦ ꠍꠤꠟꠐ ꠚꠞꠤ ꠎꠣꠅ ꠀꠡꠣꠝ ꠁꠇꠐꠣ ꠟꠁꠅꠣ ꠍꠤꠟꠐꠤ ꠅꠈꠟ ꠘꠣꠞꠣꠎ ꠀꠍꠟꠣ ꠨ ꠔꠃ ꠎꠈꠘ ꠛꠋꠉꠜꠋꠉ ꠅꠁꠟ ꠍꠤꠟꠐ ꠒꠥꠇꠟ ꠚꠥꠛ ꠛꠣꠋꠟꠣꠔ ⁕ ꠖꠦꠡ ꠜꠣꠉꠞ ꠡꠝꠅ ꠍꠤꠟꠐ ꠖꠥꠁ ꠐꠥꠇꠞꠣ ꠅꠁꠎꠣꠅ ꠄꠈꠜꠣꠉ ꠕꠣꠈꠦ ꠙꠣꠇꠤꠡ꠆ꠔꠣꠘ ꠀꠞꠈꠜꠣꠉ ꠁꠘ꠆ꠒꠤꠅꠣꠔ ⁕ ꠍꠤꠟꠐ ꠎꠦꠟꠣ ꠙꠣꠇꠤꠡ꠆ꠔꠣꠘ ꠅ ꠀꠅ ⁕ ১৯৭১ ꠞ ꠡꠋꠉ꠆ꠞꠣꠝ ꠅ ꠍꠤꠟꠐꠤ ꠅꠈꠟꠞ ꠜꠥꠝꠤꠇꠣ ꠀꠍꠤꠟ ꠨ ꠡꠋꠉ꠆ꠞꠣꠝꠞ ꠡꠝꠅ ꠎꠦꠘꠣꠞꠦꠟ ꠀꠍꠟꠣ ꠍꠤꠟꠐꠞ ꠃꠡꠝꠣꠘꠤ ꠨ ꠀꠞ ꠖꠦꠡ ꠅꠞ ꠚꠅꠟꠣ ꠡꠣꠖꠤꠘ ꠕꠣꠘꠣ ꠅꠁꠟ ꠍꠤꠟꠐ ꠎꠦꠟꠣꠞ ꠎꠇꠤꠉꠘꠎ ꠕꠣꠘꠣ ⁕
ꠀꠉꠞ ꠎꠝꠣꠘꠣ
editꠝꠣꠎꠞ ꠎꠝꠣꠘꠣ
editꠝꠥꠊꠟ ꠀꠝꠟ
editꠇꠝ꠆ꠙꠣꠘꠤ ꠡꠣꠡꠘ
editꠛ꠆ꠞꠤꠐꠤꠡ ꠞꠣꠎ
editꠖꠦꠡꠜꠣꠉ
editꠙꠣꠇꠤꠍꠔꠣꠘ ꠀꠝꠟ
editꠄꠛꠟꠣ
editꠀꠞꠅ ꠖꠦꠈꠂꠘ
edit
ꠟꠇ
editꠕꠥꠇꠣꠘꠤ
editꠀ | ꠁ | ꠃ | ꠄ | ꠅ | ꠇ | ꠈ | ꠉ | ꠊ | ꠌ | ꠍ | ꠎ | ꠏ | ꠐ | ꠑ | ꠒ |
ꠔ | ꠕ | ꠖ | ꠗ | ꠘ | ꠙ | ꠚ | ꠛ | ꠜ | ꠝ | ꠞ | ꠟ | ꠡ | ꠢ | ꠠ | ꠓ |