Лӯмь, е̄нас числасьт луэмман (лат. Rubus chamaemorus) лӣ ра̄ссь Rubus (малина) ро̄дэсьт Rosaceae (Розовэ) пӣррсэсьт я ныдтҍшэ тэнн ра̄зь мӯрьй. Лӯмь лӣ по̄ррэм мӯрьй.
Нэ̄мм
edit
Лӯмь те̄дтӣдтӭй нэ̄мм лӣ е̄р.-греч. χαμαί («е̄ммьне альн») я лат. morus («шелковица»).
Кӣллт са̄мь кӣлэсьт са̄һпьплуввма лӯмь коадчетҍ лоа̄нтэх, а эйй са̄һпьлуввма – чоарэх.
Лӯмь нэ̄м са̄мь кӣлэнҍ
edit| кӣллт са̄мь кӣлэсьт | лӯмь |
|---|---|
| колтта са̄мь кӣлэсьт | lueʹm |
| а̄нар са̄мь кӣлэсьт | lyeme |
| таввял са̄мь кӣлэсьт | luomi |
| соа̄ййв са̄мь кӣлэсьт | laadtege |
| пӣтэ са̄мь кӣлэсьт | láddak |
Лӯмь баяс
edit
Лӯмь шаннт 10-30 см райя ло̄ппта.
Вуэкьс ле̄в се̄ӈьк я вӯййкас, вуэкьс э̄л ле̄в кӯһт-ко̄ллм лэсстэ.
Ныдтҍшэ вуэкьс э̄л лӣ э̄ххт вӣллькесь ывьнэнч. Лӯмь ке̄ссьма̄нэсьт-сӯййнма̄нэсьт ывьнаст; мӯрьй лоа̄ннтэв пэ̄йель 30-40 пе̄ййвэ.
Мӯрьй диаметр лӣ 1,5 см ве̄рьт. Эйй кӣркна мӯрьй ле̄в руччкэ-рӯппсэ, лоа̄нтэх лӯмь лӣ рэ̄һк-руччкэ. Луэммнэтҍ ко̄ппчэв сӯййнма̄нэсьт я поаррькма̄нэсьт.
Шэнтант сай
editЛӯмь Таввял е̄ммьнепе̄лесьт кэскэсьт 78°N я 55°N ве̄рьт ла̄мпесьт шаннт.
О̄ннъемушш
edit
Лӯмь лӣ а̄ррвай, куннт я ня̄лькесь мӯррьй. Луэммнэнҍ лӣ витамин C не̄лльй вӯррэ шуря, мэ̄нн апельсинэнҍ.
Луэммнэнҍ варенье, са̄пь я югке ня̄ллксэтҍ чиннэв. Ла̄дтҍе̄ммьнест луэммнэнҍ ликёр (ла̄дтҍкӣлас lakkalikööri) лыһкэв.
Пынньмушш
editЛӯмь лӣ Вӣллькесьрӯшше̄ммьне Рӯппьсесь кырьесьт.