Wp/sjd/Колтта са̄мь кӣлл

< Wp‎ | sjd
Wp > sjd > Колтта са̄мь кӣлл

Колтта са̄мь кӣлл вай нуҏҏьт са̄мь кӣлл (колттаса̄мас nuõrttsääʹmǩiõll вай sääˊmǩiõll) лӣ урал кӣл пӣррсэсьт нуҏҏьт са̄мь кӣл тугкэсьт са̄мь кӣлл. Колттаса̄мас са̄ррнэв са̄мь о̄ллмэ Ла̄дтҍе̄ммьнесьт (400 ве̄рьт о̄ллмэдтӭ, е̄нас Чеветя̄вьрэсьт) я Рӯшше̄ммнесьт (20—30 ве̄рьт о̄ллмэдтӭ Нӯһтҍя̄вьрэсьт). Э̄ввтэль колттаса̄мас Та̄ре̄ммьнесьт соа̄ррнэшь (Ня̄ввдэм сыйтасьт), адтҍ ама оа̄нньетҍ евла тамьпе.

Колтта са̄мь кӣлл
nuõrttsääʹmǩiõll
Ланҍ Ла̄дтҍе̄ммьне
Рӯшше̄ммьне
Нарэдт колтта са̄мь
Са̄ррнэй 320 ве̄рьт
Классификация

Урал кӣл пӣрас

Ла̄дҍ-угор кӣл
Са̄мь кӣл
Нуҏҏьт са̄мь кӣл
Колтта са̄мь кӣлл
Кӣллкод
ISO 639-2 sms
ISO 639-3 sms

Исторья

edit

Шаннт Е̄ммьне Шӯрр туар эвсэсьт колттаса̄мас не̄лльй сыйтэнҍ Ла̄дтҍе̄ммьнесьт соа̄ррнэнҍ. Пе̄дзамэсьт колттаса̄мас Сӯннэль я Пе̄дзам сыйтэнҍ соа̄ррнэнҍ. Маӈӈа Шаннт Е̄ммьне Шӯрр туарр тэгка сыйтэтҍ ССРЭъе э̄ннҍтэшь я колтта са̄мь о̄ллмэе Чеветя̄вьре, А̄нар я Не̄ллемь сыйтэтҍ А̄нар эхтнэгэсьт вя̄ӆӆтэшь.

Рӯшше̄ммьнесьт (ССРЭсьт танна) Нӯһтҍя̄ввьр диалектас Мотовскэ, Сонгэльскэ сыйтэнҍ (адтҍ эйй лиййма) я Нӯһтя̄вьрэсьт са̄ррнэнҍ. Ке̄-ля̄ннч кэскэсьт Нӯһтя̄вьр колтта са̄мь о̄ллмэе вуайй ныдтҍшэ Тулома сыйтэсьт я Луя̄ввьрэсьт е̄лле.

Та̄ре̄ммьне е̄ммьне альн колттаса̄мас Сёр-Варангер комуннасьт (культурнэ кэ̄сск пэҏҏтэнҍ Ня̄ввдэм сыйтэсьт) соа̄ррнэшь. Адтҍ нике̄ вя̄л Та̄ре̄ммьнесьт колттаса̄мас гӯ е̄ннҍ кӣлл эйй са̄ррн.

Сайй

edit

Ла̄дтҍе̄ммьне

edit

Ла̄дтҍе̄ммьнесьт колттаса̄мас 400 ве̄рьт о̄ллмэдтӭ са̄ррнэнҍ. Ла̄дтҍе̄ммьне Са̄мь Кӣл Акт (1086/2003) мӣлльтэ, колтта са̄мь кӣлл лӣ э̄ххт ко̄ллм са̄мь кӣлэнҍ, ко̄йт вуайй офицьяльнэ тӯйэнҍ выгкэмуж гуэйкэ Лаппэсьт оаннӭ. Тэдт лӣ А̄нар эхтнэг офицьяльнэ кӣлл, я со̄н оалкхэсь школэнҍ кӯрсэтҍ э̄ннтлэнҍ — ко̄ххт кӣл оаннӭй, ныдтҍ э уһцла со̄н вӣресь кӣлэнҍ о̄һпнуввэй гуэйкэ. Лышшэ ва̄ннҍ нӯраш туэррьв ю̄ттҍк кӣл уһцэ я оаннӭ со̄н боельт. Те̄мэтҍ колтта са̄мь кӣлл лӣ кӣл роаввсэнне тя̄һтэдтмужэсьт, те̄ме шуря А̄нар са̄мь кӣлэ, коампэсьт лӣ мэннверьт шэ са̄ррнэйдтӭ я ко̄нн оаннӭй ныдтҍшэ ле̄в А̄нар э̄ххтнэгэсьт. Ныдтҍшэ ле̄в е̄ннэ колтта о̄ллмэдтӭ тэнн е̄ммьне оаллкэнҍ, надта шурьмусс ланҍ е̄ммьнесьт.

Рӯшше̄ммьне

edit

Рӯшше̄мьнесьт колтта са̄мь кӣл лӣ нӯһтҍя̄ввьр диалект формасьт, ноа офицьяльнэ сай мӣлльтэ, со̄нн лӣ э̄ххт са̄мь кӣл диалектэнҍ (офицьяльнэ кырьйхэмнэль са̄мь кӣлэнҍ лӣ кӣллт са̄мь кӣл. О̄дтмусс аннҍтмужэ мӣлльтэ, нӯһтя̄ввьр колттаса̄мас са̄ррн адтҍ лышшэ э̄ххт оалмолма — Вольсанндэр Иванович Герасимов (рӯшас Александр Иванович Герасимов), шэ̄ннтма Нӯһтҍя̄ввьр сыйтэсьт.

Вӯлкхэллнэг

edit

Ristikent — Язык Лопарей (Русская Лапландия)

Тӣт

edit