La Flumenargia è una di l’antigghi curaddorii di Sardhigna. È nadda tra lu sèguru XI e XII isthacchèndisi da la curaddoria di Romangia. La capitari isthòrigga era l’antigga Turres, abà Porthu Torra.
(SDC) Flumenargia, innùmmaru 7 (biaittu)
Duranti l’isthória soja ha fattu parthi di lu Regnu di Torres, di la Repùbbrigga Comunari di Sàssari e di lu Regnu d’Aiburia.
Di la Flumenargia fazìani parthi 17 biddi, chi apparthinìani a la Diòcesi di Turres. La parthi manna di chisthi logghi è ischumpassa i’ lu medio evo, massimamenti duranti lu tempu di l’invasioni aragonesa.
L’orìgini di lu topònimu Flumenargia veni da lu latinu flumen, ossia riu. E difatti li cunfini soi èrani lu riu di Ottava e lu riu Mannu.