| Иван Канюх | |
|---|---|
| Народзени | 1899. |
| Умар | 1951. |
| Державянство | австроугорске, югославянске |
| Язик творох | сербски |
| Школа | Ґимназия, Вербас |
| Универзитет | Будапешт, Берлин, Беоґрад |
| Период твореня | 1920—1951. |
| Жанри | просвита, прекладательство,
археолоґия |
| Поховани | у Беоґрадзе |
Иван Канюх (*1899—†1951.), педаґоґ, прекладатель.
Биоґрафия
Иван Канюх народзени 1899. року у Руским Керестуре. Основну школу закончел у Руским Керестуре. Ґимназию у Вербаше закончел за два роки. Школованє предлужел у Будапешту, Берлину и Беоґраду дзе студирал философию и язики насампредз старо гречески и латински. Мал притоку ґу ученю язикох та добре знал французки и нємецки.
Знанє старогреческого и латинского язика одведли го трицетих рокох двацетого вику до Битолю и Охриду дзе участвовал як член фахового тиму на археолоґийних викопованьох на локалитету Хераклеї Линкестис хтори нєшка под защиту УНЕСКА.
Професор Иван Канюх прекладал вецей дїла старогреческих философох, найчастейше Платона, и то у периодзе од 1930. по 1939. рок.
Бул оженєти зоз Олґу родз. Симич зоз хтору мал двох синох Владимира хтори член Сербскей академиї наукох и уметносци и Дьордя хтори тиж мал високу академску кариєру.
После Другей шветовей войни Иван Канюх бул директор Учительскей школи у Земуну а єден час робел на Висшей педаґоґийней школи у Беоґрадзе.
Умар 1951. року у Беоґраду дзе є и поховани.
Вонкашнї вязи
- Иван Канюх, НАР, Нови Сад, марец 30, 2018
- Платон.Мисли о васпитању. Изд. књижара Рајка Рајковића, Теразије 16, стр. 55.
- Иван Кањух, Росолимова метода психолошког профила и њен педагошки значај. Савремена библиотека, св. 4, "Рајковић", Београд.