Гавриїл Рац (*6. авґуст 1940. - †29. марец 2002.), учитель, длугорочни фоторепортер у НВУ Руске слово, уметнїк фотоґрафиї
Гавриїл Рац edit | |
|---|---|
| Народзени | 6. авґуста 1940. |
| Умар | 29. марец 2002. (62) |
| Державянство | югославянске |
| Язик творох | руски |
| Школа | Учительска школа у
Сримских Карловцох |
| Период твореня | 1962.-2002. |
| Жанри | образованє, документарна
и уметнїцка фотоґрафия |
| Поховани | На теметове у Руским
Керестуре |
Биоґрафия edit
Гавриїл (Ґабор) Рац Рацмишков народзени 6. авґуста 1940. року у Руским Керестуре. Родичи оцец Ґабор и мац Ана, родзена Рац (Дзвонарова). Гавриїл мал младшого брата Янка (1942-2021). Гавриїл Рац закончел основну школу у родним валалє а Учительску школу у Сримских Карловцох. Потим уписал студиї русийского язика на Висшей педаґоґийней школи у Зренянину дзе и абсолвовал. Кед абсолвовал на Висшей педаґоґийней школи та робел кратши час и як наставнїк русийскго язика.
Роботна кариєра edit
По законченю учительскей школи Гавриїл Рац робел як учитель класней настави у Основней школи Петро Кузмяк у Руским Керестуре по 1970.
Пар роки Гавриїл Рац препровадзел на дочасовей роботи у Нємецкей дзе робел у компанийох Круп и Форд.
По врацаню зоз Нємецкей Гавриїл Рац почал робиц и НВУ Руске слово як фоторепортер.
Бул длугорочни професионални фоторепортер у НВУ Руске слово у Новим Садзе. Знїмал шицки файти чарно-билих и колор фотоґрафийох за потреби новинох Руске слово, часопису за дзеци Пионирска заградка, часопису МАК, за Народни календар, традицийни мурови рочни календар та други потреби.
Занїмала го документарна и новинска фотоґрафия а дзекуюци вельорочному искуству у обласци чарно-билей и колор фотоґрафиї вон винаходзел мотиви и за творенє уметнїцких фотоґрафийох.
Участвовал на вецей колективних виставох.
Гавриїл Рац бул член Дружтва за руски язик, литературу и културу од 1974. року.[1] Бул член Клуба подобових уметнїкох Дружтва за руски язик, литературу и културу з Нового Саду, од снованя того Клуба 1996. року. Заступени є у моноґрафиї Подобова творчосци Руснацох у виданю Дружтва за руски язик, литературу и културу, на боку 103 зоз фото-ґрафику "Лядова сказка".
Як член Новосадскей сцени АРТ "Дядя" Гавриїл Рац ґлумел як ґлумец-аматер у театралним фалату Ґордана Михича "Жовта" (1975. року).
Гавриїл Рац бул оженєти зоз Марию родз. Сопка и у малженстве мали дзивче Ясмину.
Гавриїл Рац нєсподзивано умар 29. марца 2002. року. Поховани є на теметове у Руским Керестуре.
Литература edit
Гавриїл Рац, уметнїк фотоґрафиї, Подобова творчосц Руснацох, Дружтво за руски язик, литературу и културу, 2003, б. 103
Вонкашнї вязи edit
Дюра Латяк, „Руске” под час политичних пременкох (у тексту спомнути и Г. Рац, фоторепортер)
Ґрупа младих з Керестура, ґенерация 1940-1942 (фотоґрафоване 1957. року), Гавриїл Рац медзи нїма.
Дюра Латяк, 75 роки "Руского слова" 1945-2020 (VIII), б. 26
Ґалерия edit
Референци edit
- ↑ Список членох Дружтва за руски язик, литературу и културу, рядове число 44. Гавриїл Рац, Нови Сад, 1974