အချိန်ကို တိုင်းတာရာ၌ လက်တွေ့အကျဆုံးနည်းမှာ ဝင်ရိုးပေါ်၌ ကမ္ဘာလည်နီခြင်းကို အကြောင်းပြုပနာ တိုင်းရေ နည်းပင်ဖြစ်ရေ။ အကျွန်ရို့ရေ ဂုအခါ ဝင်ရိုးပေါ်၌ ကမ္ဘာလည်နီရေ အချက်ကို သက်သေ ထုတ်ပြနိုင်ရုံမက ကမ္ဘာလည်ပနာ ကြာရေ အချိန်ကာလကိုလည်း တွက်ယူနိုင်ကြ ပေပြီ။ အချိန်ကို တိုင်းရာတွင် နီရက်နန့် ကြယ်ရက်၊ လ(စန္ဒရမာသ)နန့် ကြယ်လ၊ နီနှစ်နန့် ကြယ်နှစ်ရို့နန့် တိုင်းပြလေ့ဟိကတ်ရေ။ နီ၊ လ၊ ကြယ်ဆိုရေ အသုံးအနှုန်း တိမှာ နီကိုလည်းကောင်း၊ လကို လည်းကောင်း၊ ကြယ်ကိုလည်းကောင်း အသီးသီး အကြောင်းပြုထားခြင်း ဖြစ်လီရေ။
ရှေးခေတ်က လူရို့ရေ လနန့် နှစ်ကို စတင်ပနာ သတ်မှတ်ကတ်ရေ။ ထို့နောက်မှ လူရို့ဧ အသုံးကို လိုက်ပနာ ရက်သတ္တပတ်၊ ရက်၊ နာရီ၊ မိနစ်၊ စက္ကန့် စရေရို့ကို အသေးစိတ် ခွဲခြား သတ်မှတ်လာခကတ်ရေဟု ဆိုလီရေ။ နီရက် တစ်ရက်မှာ နီမွန်းတည့်အချိန်မှ နောက်တစ်ခါ နီမွန်းတည့်ချိန်အထိ ကြာရေအချိန် ဖြစ်ရေ။ ယကေလည်း နီရက် တစ်ရက်ဧ ကြာရေအချိန်ရေ တစ်နှစ်တွင်း ပြောင်းလဲ တိုးတက်လျက်ဟိရေ။ ဒီဇင်ဘာလ၊ ဇန်နဝါရီလတိတွင်ဟိရေ နီရက်တာရို့ရေ ဇွန်လ၊ ဇူလိုင်လတိတွင်ဟိရေ နီရက်တာရို့ထက် အချိန်ပိုပနာ ကြာရေ။ နီရက်ရို့ရေ အချိန်ကာလအားနန့်
တစ်ရက်နန့်တစ်ရက် မတူညီရေကြောင့် တစ်နှစ်တွင်ဖြစ်ရေ ထိုပျမ်းမျှ နီရက်တစ်ရက်ဧ အချိန်ကာလရေ ကြယ်နန့် တွက်ချက်ထားချက်အရ အချိန် ၂၄ နာရီ ၃ မိနစ် ၂၆.၅၅ စက္ကန့် ဖြစ်လီရေ။
သတ်မှတ်ထားရေ ကြယ်တစ်လုံးရေ ကြည့်ရှုသူဧ မီရီဒီယန်ကို ပထမဖြတ်ရေမှ နောက်တစ်ခါ ဖြတ်ရေအထိ ကြာရေအချိန်ကာလမှာ ကြယ်ရက်ဖြစ်ရေ။ တစ်နည်းအားနန့်ဆိုကေ ကမ္ဘာရေ ဝင်ရိုးပေါ်၌ တစ်ပတ်တိတိ၊ (သို့) ဒီဂရီ ၃၆ဝ လည်ပနာ ကြာရေအချိန် ဖြစ်ရေ။ ကမ္ဘာရေ နီ့စဉ် အနောက်မှ အရှေ့ဘက်သို့ ရွေ့ရှားလျက်ဟိဧ။ သို့ရာတွင် ကြယ်ရို့ရေ ကမ္ဘာမှ အလွန့်ကကောင်း
ဝီးကွာရေအတွက် သတ်မှတ်ထားရေကြယ်ကို အကြောင်းပြုပနာဖြစ်ရေ ကမ္ဘာဧ တည်နီရာရေ ရွေ့ပြောင်းခြင်း မဟိပေ။ ကြယ်ရက်တစ်ရက်ဧ အချိန်ကာလရေ ပျမ်းမျှအချိန်ဧ ၂၃ နာရီ ၅၆ မိနစ် ၄.ဝ၉ စက္ကန့် နန့် တူညီလီရေ။ နီလားလမ်းနန့် အီကွေတာ စက်ဝိုင်းရို့ ဖြတ်လားရာ အချက်နှစ်ခုဖြစ်ရေ နီ့နန့်ည ညီမျှချိန် နှစ်ခုမှာ မတ်လ ၂၁ ရက်နန့် စက်တင်ဘာလ ၂၂ ရက်ရို့ ဖြစ်ရေ။
ပထမ မတ်လ ၂၁ ရက် နီ့မှ ဒုတိယမတ်လ ၂၁ ရက်နီ့အထိ (သို့) ပထမစက်တင်ဘာလ ၂၂ ရက်နီ့မှ ဒုတိယစက်တင်ဘာလ ၂၂ ရက်နီ့အထိ ကြာရေအချိန်တွင် ကမ္ဘာရေ နီကို တစ်ပတ်
တိတိ ပတ်မိရဖို့။ သို့ရာတွင် နီ့ည ညီချိန်ဖြစ်ရေ အီကွေတာနန့် နီလားလမ်းရို့ဖြတ်ရာ အချက်နှစ်ခုရေ အရှေ့ဘက်မှ အနောက်ဘက်သို့ တစ်ရွေ့ရွေ့နန့် ရွေ့နီရေအတွက် ကမ္ဘာရေ နီကို အနောက်မှ အရှေ့သို့ လှည့်ပတ်ရာတွင် တစ်ပတ်တိတိ မပြည့်မီ မိနစ် ၂ဝ စက္ကန့် ၂၃ ခန့်အလိုမှာပင် နီကို အကြောင်း ပြုထားရေ အနီအထားအရ၊ တစ်ပတ်ပြည့်သပိုင် ဖြစ်လားလီရေ။ အဓိပ္ပာယ်မှာ ပထမ မတ်လ ၂၁ ရက်နီ့၌ဖြစ်ရေ နီ့ည ညီချိန်အမှတ်မှ ဒုတိယ မတ်လ ၂၁ ရက်နီ့၌ဖြစ်ရေ နီ့ညညီချိန် အမှတ်သို့ ရောက်ရန် အချိန်မှာ မိနစ် ၂ဝ၊ စက္ကန့် ၂၃ ခန့် လျော့လားရေဟု ဆိုလိုရေ။ ဒေပိုင် နီ့ညညီချိန် အမှတ်တစ်ခုမှ ထိုနီ့ည ညီချိန်အမှတ်သို့ နောက်တခါ ဆိုက်ရောက်ရေအထိကြာရေ အချိန်ကာလ အပိုင်းအခြားကို နီနှစ်ဟု ခေါ်ပနာ နီနှစ်ဧအချိန်တာမှာ ၃၆၅ ရက် ၅ နာရီ ၄၈ မိနစ် ၄၅.၅၇၅ စက္ကန့် ဖြစ်လီရေ။ ကြယ်နှစ်မှာ သတ်မှတ်ထားရေ ကြယ်ကို ကမ္ဘာ့ ဗဟိုချက်က ပထမဖြတ်ရေမှ နောက်တစ်ခါ ဖြတ်ရေအထိ ကြာရေအချိန်ကာလဖြစ်ပနာ ထိုအချိန်ကာလမှာ ၃၆၅ ရက်၊ ၆ နာရီ ၉ မိနစ် ၈၉၇ စက္ကန့် ဖြစ်လီရေ။
လောင်ဂျီတွဒ်တစ်ခုတည်းပေါ်တွင်ဟိရေ နီရာတိနီပြီးကေ ပျမ်းမျှ နီအချိန်ကို တညီတည်း သတ်မှတ်နိုင်ကတ်ရေ။ ဇာကြောင့်ဆိုကေ နီရေ တစ်နာရီကေ လောင်ဂျီတွဒ် ၁၅ ဒီဂရီကျ အနောက်ဘက်သို့ ရွေ့လားနီရာ ဒေသတိုင်းတွင် နီအချိန်ကို အသုံးပြုကြဖို့ ဆိုပါကေ တစ်ဒေသနန့် တစ်ဒေသတွင် အရှေ့ အနောက် ကွဲလွဲပုံကိုလိုက်ပနာ အချိန်ချင်း တူညီကြဖို့ မဟုတ်ပေ။ ယင့်အခါ အထူးအတွက်နန့် ခရီး အလားအလာတိအတွက် အချိန်သတ်မှတ်ရန် ခက်ခဲပေလိမ့်ဖို့။ ထိုကြောင့် နိုင်ငံအသီးအသီးတွင် ဒေသတစ်ခုလုံးအတွက် တစ်ချိန်တည်း သတ်မှတ်ထားရေ စံတော်ချိန်ကိုရာ အသုံးပြု
ကြလီရေ။ မြန်မာနိုင်ငံဟိ စံတော်ချိန်အရဆိုကေ ရန်ကုန်မြို့ တွင် ၁၂ နာရီအချိန်ရေ မော်လမြိုင်မြို့၊ စစ်တွေမြို့ရို့တွင် လည်း ၁၂ နာရီအချိန်ပင် ဖြစ်ရေ။ နီရာအလိုက် အချိန် ကိုရာ အသုံးပြုဖို့ ဆိုပါကေ ရန်ကုန်နန့် မော်လမြိုင်ရို့တွင် နီအချိန်ချင်း တူညီကြဖို့ မဟုတ်ပေ။
နိုင်ငံတိုင်းရေ လန်ဒန်မြို့ ဂရင်းနစ် စံတော်ချိန်ကို ဗဟိုစံတော်ချိန်အဖြစ် အသုံးပြုကတ်ရေ။ ဂရင်းနစ်ကို ဖြတ်ရေ လောင်ဂျီတွဒ်မျဉ်းကို သုညဒီဂရီအဖြစ် သတ်မှတ်ကတ်ရေ။ ဂရင်းနစ် အရှေ့ဘက် ၁ ဒီဂရီ ကျရေ လောင်ဂျီတွဒ်မျဉ်းတွင် နီထွက်ချိန် ၄ မိနစ်စောပနာ ဂရင်းနစ် အနောက်ဘက် ၁ ဒီဂရီ ကျရေ လောင်ဂျီတွဒ်မျဉ်းတွင် နီထွက်ချိန် ၄ မိနစ် နောက်ကျရေ။ ထိုနည်းနန့် နိုင်ငံတိုင်းရေ ဂရင်းနစ် လောဂျီတွဒ်မှ ကွာဝီးရေဒီဂရီတိအတိုင်း စံတော်ချိန်တိကို သတ်မှတ်ကတ်ရေ။ ပုံစံအားနန့် ဂရင်းနစ် မီရီဒီယန်၌ မွန်းတည့် ၁၂ နာရီ ဖြစ်ကေ အရှေ့ဘက် လောင်ဂျီတွဒ် ၁ဝ၅ ဒီဂရီ၌ ညနီ ၇
နာရီဖြစ်ဖို့ ဟူပနာလည်းကောင်း၊ အနောက်ဘက် လောင်ဂျီတွဒ် ၉ဝ ဒီဂရီ၌ နံနက် ၆ နာရီဖြစ်ဖို့ဟူလည်းကောင်း သိမှတ်ကြလေ noရေ။
ရှေးက အချိန်ကို ပိုင်းခြား သတ်မှတ်ရန်အတွက် နီနာရီ၊ သဲနာရီ၊ ရေနာရီတိကို အသုံးပြုကြခရေ။ သို့ရာတွင် စက်မှု လက်မှုနန့် သိပ္ပံပညာ ထွန်းကားလာပြီးကေနောက်တွင်ကား သံပတ်စက်နန့် အချိန်မှန်လားလာရေ နာရီတိကိုရာ ကမ္ဘာအနှံ့ သုံးစွဲလာကြလေတော့ရေ။[1]
ကိုးကား
edit- ↑ မြန်မာ့စွယ်စုံကျမ်း၊ အတွဲ(၁၄)