ရခိုင်ပြည်အမျိုးသားကောင်စီ(ANC) စွာ ရခိုင်ပြည်နန့် လူထုဧတခုတည်းရေ နိုင်ငံရီးစစ်မျက်နှာတစ်ခု အဖြစ် ၂၀၀၄ ခုနှစ်တွင်အကြိုအမျိုးသားညီလာခံမှ ပေါက်ဖွားလာခရေ။ စတင်တည်ထောင်ချိန်မှစ၍ အလွန်ခက်ခဲရေနိုင်ငံရီးလမ်းကြောင်းတွင် လျှောက်လှမ်းလာခပြီး၊ ၂၀၀၆ ခုနှစ်နန့် ၂၀၁၀ ခုနှစ်တိတွင် ပထမအကြိမ် နန့် ဒုတိယအကြိမ်ညီလာခံအသီးသီးကို အောင်မြင်စွာကျင်းပ၍ ရခိုင်ပြည်နန့် ရခိုင်လူထုဧ လွတ်မြောက်ရီး အာမခံချက်ရို့အတွက် အောက်ပါအတိုင်း နိုင်ငံရီးလမ်းညွှန်ချက်တိကို ချမှတ်ဖော်ဆောင်လျက် ဟိရေ။
၁။ ရခိုင်ပြည်သူတရပ်လုံးသွေးစည်းညီညွတ်ရီး၊ ၂။ စစ်အာဏာသျှင်စနစ် ချုပ်ငြိမ်းရီး၊ ၃။ ပြည်ထောင်တိုင်းဧ နိုင်ငံရီးအရ အမျိုးသားတန်းတူရီးနန့် ကိုယ်ပိုင်ပြဋ္ဌာန်းခွင့် အပြည့်အဝဟိသည့် စစ်မှန်ရေ ဖက်ဒရယ်ပြည်ထောင်စုတည်ဆောက်ရီး၊ ၄။ ငြိမ်းချမ်းစွာအတူယှဉ်တွဲနီထိုင်ရီး၊ ၅။ စည်းလုံးခိုင်မာရေရခိုင်ပြည်တည်ဆောက်ရီး။
၂၀၁၀-ခု ဒုတိယအကြိမ်ညီလာခံတွင် နိုင်ငံရီးပါတီတိဖြစ်ကတ်ရေ ရခိုင်ဒီမိုကရေစီအဖွဲ့ချုပ်(ပြည်ပ) (ALD-Exile)၊ ရခိုင်ပြည်အမျိုးသားညီညွတ်ရီးပါတီ (NUPA)၊ရခိုင်ပြည်လုံးဆိုင်ရာကျောင်းသားနန့်လူငယ်တိအစည်းအရုံး (AASYC)၊ ရခိုင်သံဃာ့သမဂ္ဂ (RSU) နန့် အခြားရေလူမှုအဖွဲ့အစည်းတိနန့် တသီးပုဂ္ဂလတိဖြင့် စုဖွဲ့ ချီတက်ခကတ်ရေ။ ၂၀၁၆ ခုနှစ်တွင် အရီးပေါ်မျက်နှာစုံညီအစည်းအဝီးတိဖြင့် ANC ကို တစ်ဖွဲ့တစ်ပါတီတည်းအဖြစ် ကျစ်လျစ်ခိုင်မာစွာ တည်ဆောက်၍ နိုင်ငံရီးလမ်းညွှန်ချက်တိအတိုင်း ခရီးဆက်လျက် ဟိရေ။
ANC အနီဖြင့် တိုင်းရင်းသားတပ်ပေါင်းစုတိဖြစ်သည့် ၂၀၀၄ ခုနှစ်တွင် စတင်ပေါ်ပေါက်လာခရေ တိုင်းရင်းသားလူမျိုးတိကောင်စီ (ပြည်ထောင်စုမြန်မာနိုင်ငံ) (Ethnic Nationalities Council – Union of Burma) တွင် အဖွဲ့ဝင်အဖြစ်လည်းကောင်း၊ ၂၀၁၁ ခုနှစ်တွင် ပေါ်ပေါက်လာခရေ ညီညွတ်ရေတိုင်းရင်းသားလူမျိုးတိ ဖက်ဒရယ်ကောင်စီ (United Nationalities Federal Council – UNFC) တွင် အဖွဲ့ဝင်အဖြစ်လည်းကောင်း ပူးပေါင်းပါဝင်ဆောင်ရွက်ခရေ။[1] UNFC ပေါ်ပေါက်လာပြီးနောက် တိုင်းရင်းသားလက်နက်ကိုင်တော်လှန်ရီး တပ်ပေါင်းစုတိအကြား ပူးပေါင်းဆောင်ရွက်မှုမှာ ပိုမိုအဆင်ပြေစေရန် ENC တပ်ပေါင်းစုကို သက်ဆိုင်ရာ တာဝန်ဟိသူတိမှ တရားဝင် ဖျက်သိမ်းခကတ်ရေ။ ANC ဧ တပ်ပေါင်းစုမူမှာ ဂနိမိမိရို့ရင်ဆိုင်နီရသည့် ဘုံရန်သူ စစ်အာဏာသျှင်စနစ်ကို တိုက်ဖျက်ပြီး ကိုယ့်ကြမ္မာကိုယ် လွတ်လပ်စွာ ဖန်တီးဆုံးဖြတ်ပိုင်ခွင့် ရဟိရီးအတွက် လူမျိုးတစ်မျိုးတည်း တစ်စုတစ်ဖွဲ့တည်းဖြင့် ဖော်ဆောင်၍မရနိုင်သည့်အတွက် မဟာမိတ်တိနန့် ပူးပေါင်းဆောင်ရွက် လုပ်ကိုင်ပါမှ အောင်မြင်မှုပန်းတိုင်သို့ ရောက်ဟိနိုင်မည်ဟု ယုံကြည်ရေနန့်အညီ UNFC နန့် အတူအတွ လက်တွဲဆောင်ရွက်လျက် ဟိရေ။
ကရင်ပြည်နယ်တွင် အခြေစိုက်ရေ ရခိုင်ပြည်တပ်မတော်စွာ ရခိုင်အမျိုးသားကောင်စီဧ လက်နက်ကိုင်တပ်ဖွဲ့ ဖြစ်ရေ။[2]
ရခိုင်ပြည်နယ်ဧ မြို့တော် စစ်တွေမြို့တွင် ဖြစ်ပွားခရေ ဗုံးပေါက်ကွဲမှုတိကြောင့် ရခိုင်အမျိုးသားကောင်စီဧ ထိပ်ပိုင်းခေါင်းဆောင်တစ်ဦးဖြစ်ရေ ဦးနိုင်စိုးကို ၂၀၁၈ ဖေဖော်ဝါရီလတွင် ဖမ်းဆီးထိန်းသိမ်းခရေ။[3] နောက်ပိုင်းတွင်း ဗုံးကွဲမှုတိနန့် ဆက်စပ်မှုဟိကြောင်း ရဲတပ်ဖွဲ့က သက်သေမပြနိုင်သဖြင့် ပြန်လွတ်လာခရေ။[4]
ကိုးကား edit
- ↑ https://www.facebook.com/pg/UNFC-Burma-383764521772171/about/?ref=page_internal
- ↑ AA (Karen Region)|https://web.archive.org/web/20170429034544/http://mmpeacemonitor.org/stakeholders/stakeholders-overview/193-aa-arakan-army
- ↑ Sittwe blasts put spotlight on Rakhine nationalists|http://www.straitstimes.com/asia/se-asia/sittwe-blasts-put-spotlight-on-rakhine-nationalists%7Caccessdate=11 March 2018
- ↑ Aung Khine|https://www.irrawaddy.com/news/burma/5-9-suspects-sittwe-bombings-released.html%7C3 April 2018