Wikipidiya shuk Internetpi tiyak kamumi kapan, Insiklupidiya nishka. Kay Internet pankaka tukuy runakunapak yachaykunata allichinami munan, tukuy runakunaman yachaykunata willankapak. Chaymanta, tukuy runakunaka Wikipidiyapi killkakatinata, killkanatapash ushanmi. Chay killkaykunata kishpi (Kastilla shimipi: libres, Inlish shimipi: free) nishka kapan, pipash chaykunata pita killkarka nishpalla copianata ushan, karanata ushan, hatunatapashmi ushan. Paypak wachachik taytakuna Jimmy Wales, Larry Stangerpashmi kapan, shinapash 2002 watapi Larry Stanger proyectomanta llukshirka.
15 kamay killapi 2001 watapi, Inlish shimi wikipidiya wacharirka, kipaka 23 pawkar killapi 2001 watapi Ransiw shimipi, kipaka shuk shimikunapash wacharishkami karka. 2012 watapi, Wikipidiya 282 shikan shikan shimikunapi tiyarka[1]. Quechua shimi wikipedia 2003 watapi wacharishkami karka, 2012 watapi, 15 000 yallik pankakunata charirka. Shinallatakmi, 2012 watapi, Inlish shimipi wikipidiya 3 800 000 pankakunata charirkami, chay wikipidiya tukuy shikan shimikuna wikipidiyakunamanta yallik hatunmi kan.
Maymanta surkushka edit