Tiksimuyu icha Allpamama (kastilla shimipi : Tierra) shuk Intipa ayllupi rumpumi kan : payka Intipa kimsaniki rumpumi kan. Killaka allpapachata muyushpaka purikun. Allpapachaka Intimanta 152,000 000 km karupi purin. Paypak karaka 6472 km karupi paypa chawpimanta tiyan. Kuyllur yachakkunaka payka 4467 hachu-hachu (4 467 000 000) watakunata charin.
Allpapachaka ashtawan yakuta charin, chaymanta payka ankash kuyllur icha ankash planita nishkami. Allpapachaka karapi, 70% yakuta 30% allpata, rumikunata, rasutapash tiyanmi, payka paypak kara hawapi wayrata charin. Yachakkunaka yuyan, 4000 hunu watamanta Allpachapi kawsayka tiyanmi. Kunan, yakupi, allpapi, wayrapipash, yurakunaka, wiwakunaka, runakunakapash kawsanmi.
Tiksimuyupi, chay allpapachakunami tiyan : Africa, Asia, Abya Yala, Europa, Australia, Antárctica. Chay hatun mamakuchami tiyan : Atlántico mamakucha, Pacífico mamakucha, Índico mamakucha, Uraypa chiri mamakucha, Chinchaypa chiri mamakucha. Paypa ashtawan hatun urkukunaka Himalaya urkukunami kan (Chumulunkma urkuka, icha Everest, Tiksimuyupak ashtawan hanak urkumi kan, payka 8848m hanakmi kan), Punasuyu urkukunamipash.