Nina Pacari (Maria Estela Vega Conejo shutiwan wacharishka, Cotacachi llaktapi, 9 yaku killapi 1960 watapi) shuk Ecuadormanta kichwa runakunapak ñawpaman pushakmi kan, shinallatakmi payka Abogadomi kan, 2003 watapi karu mamallaktawan rimankapak ministrumi karka.
24 watata charikpi, payka paypa mishu shutita tikrachirka, Nina Pacari shutita charinkapak; chay punchakunapi ni shuk Ecuadormanta kichwa warmi Abogado karka, shinapash paymi Abogado tukurka. Kipalla, FICI mashikunawan, CONAIE mashikunawanpash, Ecuador runakunapak katariyta sinchiyankapak llankarka, 1998 watamanta, Nina Pacari Chimborazo markapak diputada tukurka, kipaka Asambleapak kipak pushakmi akllashkami karka. 2003 watapi, Lucio Gutiérrez hatun pushak kakpika, sukta killa yallishkakaman, Nina Pacari Ministro de relaciones exteriores karka, Pachakutik partidumanta. Shinapash kipaka (Agosto killapi), tukuy runa ministrukuna gobiernomanta llukshirka: CONAIE pushakkunaka, Pachakutik runakunapash, Lucio ña na allichu mamallaktata pushakun yuyarka.
2003 watamanta, kunankaman, Nina Pacari yachachikmi kan (Ambato amawta yachana wasipi), kunan Corte Constitucional nishkapi payka juezkmi kan.
Ashtawan yachakunkapak
editChaytapash rikukripay
editMaymanta surkushka
edit- Chay yuyaykuna Ransiw shimi wikimedia pankamantami kapan.