Wp/qug/Atawallpa

Atawallpa Inka (Uran runa shimipi Atawallpa, Ataw Wallpa, Kastilla killkaypi: Atahualpa, shina Atabalipa) Tawantinsuyupa yallik kipak Sapa Inkami karka, payka icha Quito llaktapi, icha Cuzco llaktapi wacharirka, 16 wata charikpika paypa yaya Wayna Kapakwan paypa wawki Ninan kuyuchiwanpashmi chinchaysuman rirka, chaypi Puna runakunawan Guayaquil markapi makanakurka, paykunaka mana kullkita Inka Kamachiyman karanata munakpika. 1525 watapi Chinchaysuyupi paypa yayaka, wawkitapash unkuymanta wañurka, Cuzco llaktapi unkuymantapashmi ishkay wawkikunaka wañurka, chaymanta Cuzco llaktapi paypa wawki Waskarka Sapa Inka tukurika, shinapash Atawalpa Waskarwan Tawantinsuyuta kamachinkapak makanakurka, Atawalpaka Chinchaysuyumanta Cuzco llaktaman awkakkunawan rirka, paypa awkakkunaka Waskar Inkaka hapirka wanchirkapash. Shinapash, 16 ayar killapi 1532 watapi, Cajamarca llaktapi Ispañul awkakkunaka paykunata llullanakunawan hapirka, wichkana wasipi churarkapash. Paykunaka 26 purun killapi 1533 watapi Atawalpa Inkata sipishpaka wanchirka.

Atawallpa Inka, Cajamarca llaktapi, paypa awkkakunawan, shuk Ispañul awkakwan, apukwanpashmi

Ashtawan yachakunkapak

kaypipash rikupay

• Tawantinsuyu
• Wayna Kapak
• Waskar
• Francisco Pizarro

Maymanta surkushka

• Chay yachaykunaka Kastilla shimipi wikipidiyamanta surkushkami kan (w:es:Atahualpa, w:es:Captura de Atahualpa)