Wp/mag/सिङ्गापुर
सिङ्गापुर (सन्स्कृत: सिंहपुर), आधिकारिकरूपसे सिङ्गापुर गणराज्ज, सामुद्रिक दक्खिनपूरुब एसियामे एगो सम्प्रभु द्वीपदेस आउ नगरराज्ज हे । ई भूमध्यरेखाके उत्तरमे लगभग एक डिग्री अक्षान्श (१३७ किलोमीटर्) पर स्थित हे, मलयप्रायद्वीपके दक्खिनी सिरासे दूर, पच्छिदन्ने मलक्का जलसन्धि, दक्खिनदन्ने सिङ्गापुर जलसन्धि, पूरुदन्ने दक्खिन चीनसागर, आउ उत्तरदन्ने जोहोर जलसन्धि । देसके क्षेत्र एगो मुख्यदीप, ६३ उपग्रह दीप, आउ एगो बाहरी दीपसमूहसे बनल हे । व्यापक भूम्युद्धार परियोजनाके परिणामस्वरूप देसके स्वतन्त्रताके बादसे एकर सञ्जुक्तक्षेत्र २५% बढ़ गेलहे । एकर बिश्वमे तृतीय सबसे अधिक जनसङ्ख्या घनत्व हे । बहुसान्स्कृतिक जनसङ्ख्या सङ्ग आउ राष्ट्रके भीतरे प्रमुख जातीयसमूहके सान्स्कृतिक पहचानके सम्मान करेके आवश्यकताके पहचानेके साथे, सिङ्गापुरके चार अधिकारिकभाषा हथ - अङ्ग्रेजी, मलय, मन्दारिन् आउ तमिल् । अङ्ग्रेजीभाषा सम्पर्कभाषा हे आउ ढेर सार्वजनिक सेवा खाली अङ्ग्रेजियेमे उपलब्ध हे । बहुजातीयवाद सम्बिधानमे निहित हे आउ शिक्षा, आवास आउ राजनीतिमे राष्ट्रीय नीतिके आकार देवेला जारी रखहे ।
एकरो देखी
editसन्दर्भ
edit