फारसी (فارسی), एगो भासा हे जे ईरान, ताजिकिस्थान, अफगानिस्थान आउ उज्बेकिस्थानमे बोलल जाहे। ई ईरान, अफगानिस्थान, ताजिकिस्थानके राजभासा हे आउ एकरा ७.५ करोड़ जन बोलहथ। भासायी परिबारके दृष्टिसे ई हिन्द-यूरोपीय भासापरिबारके हिन्द-ईरानी (इण्डो ईरानियन्) शाखाके ईरानी उपशाखाके सदस्स हे आउ मगही नियन एकरामे क्रिया बाक्यके अन्तमे आवहे। फारसी सन्स्कृतसे ढेर मिल-जुलहे आउ उर्दू (आउ हिन्दी) मे एकर ढेर सब्द प्रयुक्त होवहे। ई अरबी-फारसी लिपिमे लिखल जाहे। अङ्ग्रेजके आगमनसे पहिले भारतीय उपमहाद्वीपमे फारसीभासाके प्रयोग दरबारी काम तथा लेखनके भासाके रूपमे होवहल। दरबारमे प्रयुक्त होवेके चलतहीँ अफगानिस्थानमे एकरा दारी कहल जाहे।