फारसी (فارسی), एगो भाषा हे जे ईरान, ताजिकिस्थान, अफगानिस्थान आउ उज्बेकिस्थानमे बोलल जाहे । ई ईरान, अफगानिस्थान, ताजिकिस्थानके राजभाषा हे आउ एकरा ७.५ करोड़ जन बोलहथ । भाषायी परिबारके दृष्टिसे ई हिन्द-यूरोपीय भाषा-परिबारके हिन्द-ईरानीशाखाके ईरानी उपशाखाके सदस्स हे आउ मगही नियन एकरामे क्रिया बाक्यके अन्तमे आवहे । फारसी सन्स्कृतसे ढेर मिल-जुलहे आउ उर्दू (आउ हिन्दी) मे एकर ढेर सब्द प्रयुक्त होवहे । ई अरबी-फारसी लिपिमे लिखल जाहे । अङ्ग्रेजके आगमनसे पहिले भारतीय उपमहाद्वीपमे फारसीभाषाके प्रयोग दरबारी काम तथा लेखनके भाषाके रूपमे होवहल । दरबारमे प्रयुक्त होवेके चलतहीँ अफगानिस्थानमे एकरा दारी कहल जाहे ।