जमुना (यमुना) भारतके एगो नदी हे । ई गङ्गानदीके सबसे बड़ा सहायक नदी हे जे जमुनोत्री (उत्तरकाशीसे ३० किमी उत्तर, गढ़वालमे) नामक जगहसे निकलहे आउ प्रयागराजमे गङ्गासे मिल जाहे । एकर प्रमुख सहायक नदीमे चम्बल, सेङ्गर, छोटीसिन्धु, बेतवा आउ केन उल्लेखनीय हथ । जमुनाके तटबर्ती नगरमे दिल्ली आउ आगराके अतिरिक्त इटावा, कालपी, हमीरपुर आउ प्रयाग मुख्य हे । प्रयागमे जमुना एगो बिशाल नदीके रूपमे प्रस्तुत होवहे आउ ओहाँके प्रसिद्ध ऐतिहासिक किलाके नीचे गङ्गामे मिल जाहे ।