अण्डमान आउ निकोबार दीपसमूह (अण्डमान आउ निकोबार द्वीपसमूह) भारतके एगो केन्द्रसासितप्रदेस हे । ई बङ्गालके खाड़ीके दक्खिनमे हिन्दमहासागरमे स्थित हे । अण्डमान आउ निकोबार दीपसमूह लगभग ५७२ छोट-बड़ दीपसे मिलके बनल हे जेकरामे से खाली कुछे दीपपर लोग रहहथिन । एकर राजधानी पोर्ट् ब्लेयर् है ।
भारतके ई केन्द्रसासितप्रदेस हिन्दमहासागरमे स्थित हे आउ भौगोलिक दृष्टिसे दक्खिन-पूरब एसियाके भाग हे । ई इण्डोनेसियाके आचेह् के उत्तरमे १५० किमी पर स्थित हे आउ अण्डमानसागर एकरा थाईलॅण्ड् आउ म्यान्मार् से अलगे करहै । दूगो प्रमुख दीपसमूहसे मिलके बनल ई दीपसमूहके १०° उ अक्षान्स पृथक करहै, जेकर उत्तरमे अण्डमानदीपसमूह आउ दक्खिनमे निकोबारदीपसमूह स्थित हे । ई दीपसमूहके पूरुदन्ने हिन्दमहासागर आउ पच्छिदन्ने बङ्गालके खाड़ी स्थित हे ।
दीपसमूहके राजधानी पोर्ट् ब्लेयर् एगो अण्डमानी नगर हे । २०११ के भारतके जनगननाके अनुसार हिँयाके जनसङ्ख्या ३७९,९४४ हे । जेकरामे २०२,३३० (५३.२५%) पुरुष आउ १७७,६१४ (४६.७५%) मेहारु हथिन । लिङ्गानुपात प्रति १,००० पुरूसमे से ८७८ महिला है । खाली १०% जनसङ्ख्या निकोबारदीपमे रहहै । पूरा क्षेत्रके कुल भूमिक्षेत्र लगभग ८२४९ किमी² है ।