Wp/kus/Kojo Oppong Nkrumah

Kojo Vincent Oppong Nkrumah anɛ Ghana pɔlitis nwɛ’ɛd ka an lɔya, ba da du’a nɛ Burnya nya’aŋ nwaris anaasi la li daba anu yυυm tusir nɛ kɔbiswai nɛ pisnii nɛ ayi' la ni la. O anɛ wadmaan n tis Ofoase-Ayirebi sυ’υlυm la.

Kojo Oppong Nkrumah

human

Sex or gender	male
Country of citizenship	Ghana
Date of birth	5 April 1982
Place of birth	Koforidua
Languages spoken, written or signed	English
Occupation	politician, lawyer, entrepreneur, journalist
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana, Minister for Information
Educated at	University of Cape Coast, Pope John Senior High School and Minor Seminary, University of Ghana
Member of political party	New Patriotic Party
Religion or worldview	Christianity

O vυm pin’ilυg

Ba da du’a Nkrumah bɛnɛ Koforidua, linɛ bɛ Ghana Eastern Region sυ’υlυm la.O du’adib anɛ Kwame Oppong Nkrumah nɛ Felicia Oppong Nkrumah. O ma da anɛ pa’an ka o saam mɛ an pa’an ka bas ka tɔɔm tυm bankin. O yinɛ Akim Anyinase sʋ'ʋlʋm na.

O gbaυŋ zamisυg

Nkrumah da pin’ili o yiiga sakur bɛnɛ St. Bernadette Soubirous sakur linɛ bɛ Dansoman sυ’υlυm la. O da naae ani ka tɔlis Pope John Senior High School and Minor Seminary sakur linɛ bɛ Koforidua la, ka lin nya’aŋ ka o tɔlis University of Cape Coast n zamisi naae ka di’e digirɛɛ kasɛta gbaυŋ linɛ an Commerce. Yυυma tusa ayi’ nɛ pii nɛ ayi’ la ni ka o da lɛn tɔlis University of Ghana, linɛ bɛ Legon la naae ka di’e kasɛta gbaυŋ linɛ an MBA linɛ an Kpikpiυŋ zamisυg la. Yυυma tusa ayi’ nɛ pii nɛ anaasi la ni ka o da naae GIMPA  sakurin la ka di’e wada kasɛta gbaυŋ linɛ an wada zamisυg yɛla la yυυma ayi’ pυυgin ka o da zamisi li. Yυυm tusa ayi’ nɛ pii nɛ ayuobʋ la ni ka ba da buol o paas Ghana lɔya nam la kanlin.  

O tυυma bɛllim

Nkrumah da pin’ili tυm nɛ British American Tobacco dim n gɔsidi ba ligidi yɛla yυυma tusa aayi’ nɛ ayuobʋ la pυυgin. O da yii ani n keŋ tʋm nɛ Joy FM dim n an labaya mɔɔl-mɔɔl, onɛ da ɛɛnti su’oe  bɛkɛung saŋa Komla Dumor da kae la. Yυυma tusa ayi’ nɛ pii nɛ anaasi la ni ka o da yina mɔɔl ye on yɔ’ɔg ligidi tɔlυŋ nɛ li su’ak dɔɔg linɛ ka o da pυdi li yυ’υr ye West Brownstone Capital la. Yυυma ayi’ nɛ pii nɛ ayuobʋ la ni ka o pin’ili tυm o lɔya tυυma la n bɛ Kulendi, Attafuah nɛ Amponsah. Yυυma tυsa ayi’ nɛ pisi la ka World Economic Forum dim da gaŋ o ye o an dunia wυsa dasam baanlυg kpɛɛm.  

O pɔlitis nwɛ'ɛb yɛla

Yυυm tusa ayi’ nɛ pii nɛ anu la ni ka Wabυg Na’adɔɔg dim da ye bavɔɔt gaans ba kpɛɛmnam la ka o di Ofoase-Ayirebi linɛ bɛ Ghana Eastern Region sυ’υlυm la.

Vɔɔt kanɛ da maal yυυm tusa ayi’ nɛ pii nɛ anaasi la ni la ka ba vɔɔt ka o di. Da anɛ ti Ghana Minista kanɛ gɔsid labaya yɛla la. O da lɛn paasi tυm nɛ kpɛɛm banɛ gɔsid Ghana ligidi nɛ wada nam yɛla la wadmaanib yir linɛ da paas ayɔpɔi la ni. Nannanna onɛ zi’e Gɔmena nɔba zug n bɛ minista banɛ gɔt labaya yɛla la ni.

Yυυma tusa ayi’ nɛ pisi la ni ka Nana Akufo-Addo da di la ka yina mɔɔli tis Ghana dim ye Kojo Nkrumah ye o kυ lɛn tυmm.

O da paas minista nam bɛdigυ banɛ da ye ba kυ lɛn tυm la ni, ba yυda da anɛ; Mavis Hawa Koomson nɛ Minista kanɛ da gɔti ti diib yɛla la.

O vυm bɛllim

Kojo anɛ Kristo biig ka mɔr pu’a ka o yυ’υr buon Akua. Ba mɔr biis atan’. Kwaku nɛ Afua nɛ Kofi.