Къара Атав Гьамзатханны уланы Эндирейли (1935й.) — белгили алим, юрт хозяйство къуллукъчусу, адабият ва тарихи ишлени ва макъалаланы автору.
Яшав ёлу
editБелгили алим Къара Атав Гьамзатханнны уланы 1935-нчи йылда Хасав-юрт якъны Эндирей юртунда тувгъан. Эндирейдеги орта мактапдан сонг Дагъыстан юрт хозяйство институтну яхшы къыйматлар булан битдире, 3 йыл аспирантурада да охуй.
1971-нчи йылда Орджоникидзе шагьардагъы Горский юрт хозяйство институтда диссертациясын якълай ва юрт хозяйство ильмуланы кандидаты бола.
1974-нчю йылда о Грозныйдагъы илму-ахтарывчу лабораторияланы заведующийи болуп ишлей. Шондан сонгу йылларда Чагъаротарда Батырмурзаевни атындагъы колхозда председатель, Эндирейдеги Ленинни атындагъы колхозну профсоюз комитетини председатели ва артдагъы йылларда ДГПУ-ну Хасав-юртдагъы филиалында дарс беривчю болуп ишлеген. 50-ден де артыкъ илму, адабият ва тарихи ишлени ва макъалаланы автору. Ол - "Эндирей" ва "Тернистый путь к истине" деген китапланы автору. 1998-нчи йылда огъар "Дагъыстанны юрт хозяйствосуну ат къазангъан къуллукъчусу" деген ат да берилген. А.Гь Къараев бир нече керен район советни депутаты болуп да сайлангъан, юртну тамазаларыны члени де болгъан.