Wp/kum/Къазма-авул

Къазмаавул — Хасав-юрт якъда ерлешген къумукъ юрт. Къазма-авул беледиеге эки юрт гире: Къазма-авул ва Умар-отар.

Жугърафи ерлешивю

Хасав-юрт шагьардан темиркъазыкъгъа багъып 23 чакъырымдан сонг ерлешген. Къыблада Куруш, темиркъазыкъда Сулевгент булан дазулана.

Адам санаву

2017-нчи йылдагъы гьисап алывгъа гёре — 1336 адам.

Тарих

Къазмаавулну гьакъындагъы биринчи маълуматлар 1785-нчи йыллагъа геле.

Белгили адамлары

Бу юртдан хыйлы белгили адам чыкгъан. Мисал учун, мунда бирлерини атлары языйыкъ: Дагъыстанда биринчи трактор гьайдагъан къатын, кёп оьрденли Унай Абдурагьман, ленин оьрденни кавалери Мантакъ Салим, кёп йыллар «Акъташ» деген къуш фабриканы ёлбашчысы болуп ишлеген, Русияны юрт хожалыкъны ат къазангъан къуллукъчусу Илмудин Араби, медисин илмуланы кандидаты Шапи Гьажи, экономик илмуланы кандидаты Абдурагьман Къонакбий, тарих илмуланы кандидаты Мавлет Муцалхан, Русияны ат къазангъан муаллими Кабахан Акъгёз, Русияны язывчуларыны бирлигини уьюрю язывчу Къалсын Акъгёзну, шаир Багьавдин Гелеханов ва къумукъ тилни ахтарывчу ва публицист Ибадулла Гьажиев.

Байланывлар

• Къазмаавулну тарихинден.
• Къазмаавул юртну сайты
• Хасав-Юрт якъда почта индекслер. Дагъыстан Жумгьурият.
• 1941-нчи йылгъа генштабны харитасы
• Къазмаавул Хасав-Юрт якъ
• Къазмаавул юртну тарихинден
• Русияда 2002-нчи йылдагъы гьисап алыв