Madagaskarin tašavalta (malagassiksi Repoblikan’i Madagasikara, ranšk. République de Madagascar) ili Madagaskar on šuarivaltijo Afrikan itärannikolla Intijan valtamereššä. Muan pinta-ala on 587 041 nelijökilometrie ta väkiluku 22 599 098 eläjyä. Muan piäkaupunki on Antananarivo ta viralliset kielet malagassi ta ranška.
Madagaskarin šuari on muajilman nellännekši šuurin šuari. Enšimmäiset eläjät tultih ajanlaškun alun molommin puolin nykysen Indonesijan alovehelta. 1500- ta 1600-lukuloilta etehpäin Madagaskarilla alko muuvvoštuo valtijoita, kumpasista tärkein, Imerina, poloni muut 1800-luvun puolivälih männeššä ta yhisti Madagaskarin. Uusi valtijo joutu Ranškan šiirtomuavaltah vuotena 1896. Mua iččenäisty jälleh vuotena 1960.