Kiuru (Alauda arvensis) on kiuruloin heimoh kuuluja pieni Europašša, Aasijašša ta Pohjos-Afrikašša pešijä lintu. Kiuru on aikasimpie Šuomen kevyällisie muuttolintuja, ta šiitä šanotah, jotta "kuu kiurušta kešäh, puoli kuuta peipposešta, väistärikistä vähäni, piäčkyseštä ei ni päivyä". Kiuruo on kučuttu Puatenešša niise nimellä kiuringi[1]. Tihvinäššä tunnetah venäjän kieleštä laihinoitu nimi žuavoronka[2]. Vielä eryähie nimie ollah osralintuine Siämäjärveššä, osrapiičča Vuokkiniemeššä ta čiuruine Tverissä.
Koko ta näkö edit
Kiuru on vähän čiučoita šuurempi lintu, kumpasen pituhuš on 16–18 senttimetrie ta paino 24–53 grammua. Kiurun šiivet ollah leviet, ta šentäh še kotvan šuattau pisyö yhellä kohalla ilmašša. Tunnušomani piirreh kiurulla on piälajella šijaiččija pieni töyhtö. Kiuru on makšankarvani kirjava lintuni, mi auttau olla näkymättömänä muašša. Kiuru šuvaiččou kävellä muata myöti, eläy mualla, ta mualla luatiu pešähki.
Aihiešta muijalla edit
Lähtiet edit