Wp/kiu/Kırdki

< Wp‎ | kiu
Wp > kiu > Kırdki

Kırdki (ebe Kırdki: Kurdî ya ki کوردی), zonê do İrankiyo zımewo-rozawano ke Anadoliye u Mezopotamya de, wertê dugelunê resmiu de Tırkiya, İran, Iraq u Suriya de, tayê ki Hermenıstan, Gurcıstan u Qazaxıstan de qesey beno.

Zonê KırduEdit

Gorê zonzanoğu LeCoq u Gipperti Kırdki be Siwendki ra piya kuno bınqıflê Karmani. İranologê zê D.N. MacKenzie u Ludwig Pauliê ke Kırdki sero gurinê, zonê Kırdu tesbit kerdê ke Kırdki 3 zonu ra yeno pêra:

  • 1. Kırdkiyê Zımey: Kurmanci
  • 2. Kırdkiyê Merkezi: Sorani
  • 3. Kırdkiyê Veroji: Kelhuri, Kırmanşahi

Zon u diyaletktunê Kırdki sero xêlê kesu gorê xo lehcey tesbit kerdê ki, onciya hetê ilmê zoni ra ni vinayişi nêvêrenê, çıke isbatê xo kemio, çıke bıngê nê vinayişi de siyaset u verhukım esto. Se ke xêlê mordemê politika rıke bıkerê ki, Zazaki u Goranki wertê zonunê Kırdu de nêmorinê, ciya hesabinê.

Wazêtê KırdkiEdit

Kırdki hata nıka daim zu statuyo resmi nêgureto, labelê Iraq de xoseriya xo esta, mıntıqa otonoma Kırdıstani de Kırdki de mekteb u universıtey estê. Hermenıstan de ki radyo, TV u mektebu de yeno qeseykerden u salıxdayene. İran de eyaletê Kırdıstani esto, radon u TV de kemi bıbo ki, qesey beno. Halê xuyo tewr bındest Suriya u Tırkiya dero ke xeylayê serri zê zonunê nêresmiunê binu yeno inkarkerdene, hona statuyo resmi nêgureto.

Yê Kırdki radyo u qanalê xuyê têlevizyoni estê, her roz phêl danê.

BınnotiEdit

  • "Kürtçe Grameri (Kurmanci Lehçesi)", Emir Celadet ve Roger Lecot, Paris Kürt Enstitüsü, 1990.
  • Ali Karduxos, Kürt dilinin etimolojisine giriş, 2005.
  • Kürdoloji çalışmaları ve Alfabeler [1]
  • MacKenzie, D.N.: Kurdish Dialect Studies, I-II, London, 1961-1962.
  • Schmitt, Rüdiger (2000): Die Iranischen Sprachen in Geschichte und Gegenwart, Dr. Lud-wig Reichert Verlag, Wiesbaden.
  • Schmitt, Rüdiger (Hrsg.) (1989): Compendium Linguarum Iranicarum [CLI], Dr. Ludwig Reichert Verlag, Wiesbaden.

Qayt keEdit

ÇımeyEdit