Wp/kip/विकिपीडिया:स्वशिक्षा/संवाद पृष्ठ
| परिचय | सम्पादन | रूपरंग | विकिपीडिया जोड | सन्दर्भ र स्रोत | वार्तालाप पृष्ठ | ध्यान नइचुके | पन्जीकरण | बाका बाकै |
वार्तालाप पृष्ठ विकिपीडियाए तोबो महत्वपूर्ण अंग सा लेखकराई आपस्तल बातचीत, राय व्यक्त जइने मञ्च सा। आल विकी प्रयोगकर्तार आपसए मतभेद पनि आआेए माध्यमलाई सुल्झइने जइर। याद नइचुके आआे गपशप डोने, उपदेश सन भाषण याने, आपसल खप्सिने अइडे होडे सम्बन्धित बातचीत डाने मञ्च माङक।
यदि कुनै लेखए बारेल जेलाई कुनै प्रश्न, चिन्ता, आपत्ति या सुझाव ले, भने नोलाई लेखला वार्तालाप पृष्टरल झाचुके, स्वयं लेखल माङक। आआेए लागि लेखए रोटो "वार्तालाप"ए ट्याबरल थिचिचुके। यदि वार्तालापए जोड (लिंक) घ्यामो रंगल अलिकन आआेए मतलब टाए वार्तालाप पृष्ठ हार्क खाली ले। आआे कुनै चिन्ताए विषय माङक -नल क्लिक जइडे नयाँ पृष्ठ आरम्भ डोचुके
यदि वार्तालाप पृष्ठल पहिलाङाईज कोइराई कतार सर्सिउ यालेकन नोए जवाब जे याआेन जेडुजे, भने कथनए मेल आफुइमी पाङर सर्चुके। परिने सजिलो जइने जेमी सर्सिऊलाई "इंडेंट" जइने (अथवा जामजा दाहिने पटि नइचुके) - आआे ":" (न्हेबोलो बिंदु या कोलन)ए प्रयोगङाई सजिलै ज डोसि होकाई आआे मेल बुझइसिने ले। यदि जे कोइराइमि प्रतिक्रियाए उत्तर याडे जेमाले ताकन वार्तालाप पृष्ठल रोटो"विषय जोडिचिके"ए ट्याब क्लिक जइडे नयाँ विषय आरम्भ जइआे जेढुई, जो सीधा वार्ता पृष्ठराई अन्तङाई शुरू तानेले।
जोक पनि जे सम्वाद पृष्ठल कतार जेसर्जेउ ताकन सधैं आफुइमि कथनए झिन्टकाई ~~~~ सर्चुके (अथवा तोबो साथ चारपल्ट ~ ए चिन्ह)। आङाई जेमी विकिमिन सन सर्सिसिउएमि समय जेमि कथन झिन्टाइ तोबो हस्ताक्षर बनिनेले। यदि जे पंजीकृत प्रयोगकर्ता जेमाले ताकन वा जे लग-इन (login) डोडे जेमानइकन जे मिनए सट्टा जेमी आई॰पी॰ (IP)ठेगाना सर्सिने ले। याद नइचुके जे हस्ताक्षर जइचुके वा ताजइचुके, कुनै पनि विकिपीडियाए पन्नारल परिवर्तन जेमि कम्प्यूटरए आई॰पी॰ ठेगाना नो पन्नाराई इतिहासल दर्ता टाइ होकाई नोलाई विश्वल जोए पनि रङो ढुर यदि जे आई॰पी॰ ठेगाना गमारङसिक हैजेगार्जेउ ताकन पञ्जिकृत प्रयोगकर्ता बनिडे तोबो मन परिने विकिमिन चुनिचिके। आआे निःशुल्क ले।
==प्रयोगकर्ता वार्तापृष्ठ विकिपीडियाए प्रत्यक दर्ता टाआे प्रयोगकर्ताए तोबो वार्तापृष्ठ टाए नल अन्य प्रयोगकर्तार नोराई लागि सन्देश ख्यानइर । दर्ता माटाआे प्रयोगकर्ताराई पनि आल सन्देश ख्यानउ ढुर । यदि कोइराई जेलाई नयाँ सन्देश ख्यानइडे नआे भने विकिपीडियाए जेलाई तोबो "जे लागि तोबो नयाँ संदेश ले" हैगार्ने सूचना एआे नोल जेमी वार्तापृष्ठए लागि तोबो लिंक टाए।
आफुईमि लागि ख्यानइसिउ संदेशराई उत्तर जे न्हेबोलो तरिकाए याआे जेढुई: १: आफूइमि वार्तापृष्ठल नल नो सन्देश ख्यानइसिउ ले, २: सन्देश ख्यानइने प्रयोगकर्ताए वार्ता पृष्ठल । प्रयोगकर्तागण न्हेबोलो तरिका प्रयोग डोर, तर ध्यान नइचुके यदि जे जेमी वार्ता पृष्ठल याज जवाब जेयाैए होकाई जोए जेलाई सन्देश ख्यानइडे अनआे होए जेमी वार्ता पृष्ठलाई रङडे मानआे भने जे नोएमी उत्तर याडे खेम्डे जेनई हैगार्डे होलाई थाह माटाए । यदि जे आआर तरीका प्रयोग जेडोजेउ ताकन जेमी वार्ता पृष्ठरोटो बतइडुचेके कि सन्देश ख्यानइन्याराई जेमी वार्तापृष्ठ रङ्याउन गडुकर।
डट(Dot) edit
जे बुन्दाहरी (बुलेट पइन्ट्स)ए पनि उपयोग जइयाउन जेढुई जो अक्सर सूचिराई लागि प्रयोग डोसिर। नुक्ता जोडिने लागि सोरोर (*)ए चिन्हए प्रयोग डोचुके।
तोबो जिमुजा उदाहरण:
- * सूचीए प्रथम डट
- * सूचीए दोस्रो डट
- ** दोस्रो डट मेल उपसूचीए तोबो डट
- * सूचीए तेस्रो डट
जो परिनेल यितानो लागिनेले:
- सूचीए प्रथम डट
- सूचीए दोस्रो डट
- दोस्रो डट मेल उपसूचीए तोबो डट
- सूचीए तेस्रो डट
अंकर टाआे सूची edit
जे यितानो सूचीर पनि जइआे जेढुई नोला अंक टार।आआेए लागि अंक टाआे चिन्ह (#)ए प्रयोग डोसि। ङाडेङा तरहए, जे जति #ए चिन्ह जेझाए, न्हाडारा ज होङ सरिई ।
उदाहरण:
- # ङाडेङा पाङ
- # छुट्टो पाङ
- ## छुट्टो मेल तोबो पाङ
- # तेसोरोला पाङ
आआे यितानो रङसिने ले:
- ङाडेङा पाङ
- छुट्टो पाङ
- छुट्टो पाङ मेल तोबो पाङ
- तेसोरोला पाङ
वार्ताको उदाहरण edit
आआे भागए प्रयोगङाई सजिलैस परिने पाङराई यामी तोबो तरिका सा
नमस्ते. ङालाई लेखए बारेल तोबो प्रश्न ले. आल हैगार्सिउ लिजेकि सप्तकोशील घ्यामो गोही डइसि तर ङालाई पक्का विश्वास लिजे कि घ्यामो गोही टाए! तीव्रबुद्धि_५५ 02:49, 10 Dec 2003 (UTC)
- यितानो माङक, जब ङा ङाडे बिराटनगर बाडे ङालेआे नङ पार गोहीर पिँआे रंगला यालेआे। — सर्वसहायकसिंह 17:28, 11 Dec 2003 (UTC)
- सर्वसहायक जी, पक्का जेरङो टाको, तर विकिपीडियाल केवल नो सामग्री झाआे ढुसि नोए लागि प्रमाणिक स्रोत ले। मूल शोध पार तरह वर्जित ले. शक्की मिजाज 20:53, 11 Dec 2003 (UTC)
- यितानो पाङ ले भने रङचुके, गोहीए बारेल आआे पत्रिकार ङास सहमत लेर:
- विश्व गोही समाचार
- रक्तिम गोहीसाप्ताहिक
- अब कता हैगार्र? — सर्वसहायकसिंह 19:09, 12 Dec 2003 (UTC)
- यितानो पाङ ले भने रङचुके, गोहीए बारेल आआे पत्रिकार ङास सहमत लेर:
- सर्वसहायक जी, पक्का जेरङो टाको, तर विकिपीडियाल केवल नो सामग्री झाआे ढुसि नोए लागि प्रमाणिक स्रोत ले। मूल शोध पार तरह वर्जित ले. शक्की मिजाज 20:53, 11 Dec 2003 (UTC)
- ङा दक्षिण अफ्रीकाल ङारही, आङ गोही बिलकुल शुतुरमुर्ग मिताऊ मानिसिर! निम्नलिखित सदस्य पार ङास सहमत लेर: भोपालमाबचपन_केपटाउनमाजवानी 17:28, 14 Dec 2003 (UTC)
- मगरहीमगर 01:22, 15 Dec 2003 (UTC)
- समुद्रीभेडिया 05:41, 15 Dec 2003 (UTC)
- गेहूँकुमार 18:39, 27 Jan 2004 (UTC)
ध्यान नइचुके कि यदि जे आफूइमि प्रतिक्रियामा सूची जइआे जेपान्जे ताकन, प्रत्येक बुंदा भन्दा ङाडे द्विबिंदु (:) लाइने ताभुलिचेऊ, जस्तै:-
- ::: यितानो पाङ अलिजेऊ ताकन रङचुके, गोहीए बारेल आआे पत्रिकार ङास सहमत लेर:
- ::: * ''विश्व गोही समाचार''
- ::: * ''रक्तिम गोही साप्ताहिक''
- ::: ~~~~
जस्तो कि ङाडे हैगार्सिउ लेआे, आफुइमि प्रतिक्रियाल हस्ताक्षर यितानो डोसि:
- ~~~~ सर्सिउङाई जेमी विकिमीन सन सर्सिउ समय हुनेले(सर्वसहायकसिंह 19:09, 12 Dec 2003 (UTC))
यदि जे चाहिऊ ताकन केवल विकिमिन याज समय पनि झाआे जेढुई, तर यितानो कम मिराई जइर:
- ~~~ सर्काई केवल विकीमिन हुनेले(सर्वसहायकसिंह)
- ~~~~~ सर्काई केवल समय सन तिथि हुनेले (19:09, 12 Dec 2003 (UTC)).
प्रयोग गर्नुहोस् edit
अब जे स्वयं सम्वादल कतार सर्ने अनुभव डोचुके। आआे लेखए वार्तापृष्ठल कतार सर्चुके। याद नइचुके सर्सिउ झिन्टाइ हस्ताक्षर लाइच्यो। जे पहिलाङाई उपस्थित कुनै टिपण्णीए उत्तर पनि याआे जेढुए । याद नइचुके, आफूइ सर्सिउ सङ्ग्रह जइने ङाडे "पूर्वावलोकन" रङचुके, जो जे सर्दिजनई नो परिनेल कितानो रङसी